શૌર્યધામ ફાગવેલ ટીમ દ્વારા ખેડા જિલ્લાના ધારાસભ્યશ્રીઓ અને પૂર્વ ધારાસભ્યશ્રીઓની શુભેચ્છા મુલાકાત કરાઈ.

જિલ્લાના સિનિયર ધારાસભ્યશ્રી અને સામાજિક તેમજ આધ્યાત્મિક ક્ષેત્રે આગવી પ્રતિભા ધરાવતા મહેમદાવાદના
જન પ્રતિનિધિ શ્રી અર્જુનસિંહજી ચૌહાણ,મહુધા વિધાનસભા ક્ષેત્રના યુવા,લોકપ્રિય અને હરહંમેશ પ્રજાના પ્રહરી બની
લોક કલ્યાણની પ્રવૃત્તિઓ કરતા ઉત્સાહી ધારાસભ્ય
શ્રી સંજયસિંહજી મહિડા,સાદાઈ,નિખાલસતા અને વાસ્તવિક જીવનશૈલીથી જાણીતાં પ્રજાનાં સરળ પ્રતિનિધિ માતરનાં ધારાસભ્ય શ્રી કલ્પેશભાઈ પરમાર,સતત પ્રજાની વચ્ચે રહી જનતાના પ્રશ્નોને વાંચા આપતા કઠલાલ-કપડવંજના પૂર્વ ધારાસભ્યશ્રીઓ શ્રી કાળુસિંહ ડાભી અને શ્રી કનુભાઈ ડાભી,
પ્રોફેસરની ભૂમિકાની સાથે પ્રજા કલ્યાણની ભૂમિકા થકી સેવાકીય પ્રવૃતિઓથી જોડાયેલા મહેમદાવાદના પૂર્વ ધારાસભ્યશ્રી ગૌતમસિંહ ચૌહાણની શુભેચ્છા મુલાકાત લીધી.
શિક્ષણ,સંસ્કાર,સામાજિક ઉન્નતિ અને રોજગારી ક્ષેત્રે યુવાનોનું ઘડતર અને તાલીમ આપતિ સંસ્થા "શૌર્યધામ" ફાગવેલ ખાતે નિર્માણ પામનાર છે ત્યારે જિલ્લાના સૌ ધારાસભ્યશ્રીઓ અને પૂર્વ ધારાસભ્યશ્રીઓએ શૌર્યધામ નિર્માણમાં તન,મન અને ધનથી સહયોગ કરી સમાજ નિર્માણથી રાષ્ટ્ર નિર્માણના અભિયાનને આવકાર્યું હતું.
આ પ્રસંગે શૌર્યધામ ફાગવેલ ના અધ્યક્ષશ્રી ભારતસિંહ પરમાર, ફાગવેલના સરપંચ અને ટ્રસ્ટી શ્રી બુધાભાઈ રાઠોડ, માસ્ટર ટ્રેનર અને મેનેજમેન્ટ ગુરુ ડૉ.શ્રી કલ્યાણસિંહજી ચંપાવત,ટ્રસ્ટના મંત્રીશ્રી રૂપસિંહજી ચૌહાણ, ટ્રસ્ટી શ્રી ભુપતસિંહજી રાઠોડ, શોસિયલ મિડિયા અને ક્ષત્રિય ગ્રાફિક્સ ડિઝાઇનર શ્રી કેતનસિંહ ઝાલા, શ્રી ભુપતસિંહ ચૌહાણ વગેરે કાર્યક્રમમાં જોડાયા હતા.
ધારાસભ્યશ્રી,પૂર્વ ધારાસભ્યશ્રીઓનું સન્માન કરી શૌર્યધામ પરિવારે સૌનો આભાર વ્યક્ત કર્યો હતો.

આ પ્રકારના તમામ સમાચાર માટેે App ડાઉનલોડ કરો.