જસદણમાં સંતશ્રી મુકતાનંદબાપુના 66 માં પ્રાગટ્ય દિન નિમિત્તે બ્લડ ડોનેશન કેમ્પ યોજાયો હતો જેમા 122 બોટલ રક્ત એકત્રિત થયું.

જસદણમાં લાતીપ્લોટ વિસ્તારમાં આવેલ રાજગોર બ્રાહ્મણ સમાજની વાડી ખાતે પૂજ્ય સંતશ્રી મુકતાનંદબાપુના 66 માં પ્રાગટ્ય દિવસ નિમિત્તે સમસ્ત રાજગોર સમાજ દ્વારા બ્લડ ડોનેશન કેમ્પનું રાધેશ્યામ કોટેક્ષના વિનુભાઈ મહાદેવભાઈ ચાંવ પરિવારના સહયોગથી આયોજન કરવામાં આવ્યું હતું. આ કેમ્પ સવારના 8 વાગ્યાથી સાંજના 4 વાગ્યા સુધી યોજાયો હતો. જેમાં રક્તદાતાઓ માટે પીવાનું પાણી. સરબત, ચા-કોફી સહિતની તમામ વ્યવસ્થા રાખવામાં આવી હતી અને રક્ત આપનાર તમામ દાતાઓને ગીફ્ટ આપી સન્માનપત્ર આપવામાં આવ્યા હતા. આ રક્તદાન કેમ્પમાં રક્તદાતાઓ મોટી સંખ્યામાં ઉમટી પડતા 122 બોટલ રક્ત એકત્રિત કરવામાં આવ્યું હતું. આ કેમ્પમાં જય અંબે મલ્ટીસ્પેશ્યાલીટી હોસ્પિટલના સ્ટાફ દ્વારા પુરતો સહયોગ આપવામાં આવ્યો હતો. આ કાર્યક્રમને સફળ બનાવવા જસદણ રાજગોર બ્રાહ્મણ સમાજના આગેવાનો દ્વારા જહેમત ઉઠાવવામાં આવી હતી

આ પ્રકારના તમામ સમાચાર માટેે App ડાઉનલોડ કરો.