કોઠારીયામાંથી વેપારીની ફોર્ચ્યુનર કાર હંકારી જતો તસ્કર!

કોઠારીયામાં વેલનાથ મેઈન રોડ શ્રીરામ ચબૂતરા સામે શિવધારા-1માં આવેલા ગોડાઉન પાસે વેપારીએ પાર્ક કરેલી રૂ.8 લાખની ફોર્ચ્યુનર કાર કોઈ તસ્કર ચોરી કરી પલાયન થઈ ગયો હોવાની ફરિયાદ આજીડેમ પોલીસ મથકમાં નોંધાઈ છે.
આ બનાવની વધુ વિગતો મુજબ,કોઠારીયા ગામ પાસે ગદાધાર રેસિડેન્સી બ્લોક નંબર 68માં રહેતા અને વેલનાથ મેઇન રોડ શ્રીરામ ચબુતરાની સામે શીવધારા 1 ખાતે લગ્નમ કેટરસ સર્વીસ નામે ગોડાઉન રાખી વેપાર કરતા વેપારી પંકજભાઈ હરીપ્રસાદભાઇ યાદવ(ઉ.વ.39)એ ફરિયાદમાં જણાવ્યું હતું કે,તા.27/03 ના રોજ સાંજના સાતેક વાગ્યે તેઓએ પોતાની ફોરચ્યુનર કાર નંબર જીજે-04-બીઇ-2359 વાળી વેલનાથ મેઇન રોડ શ્રીરામ ચબુતરાની સામે શીવધારા.1માં પોતાના ગોડાઉનની સામે પાર્ક કરીને રાખી હતી અને રાતના અગીયારેક વાગ્યે પોતાનું બાઇક લઇને ઘરે ચાલ્યો જતો રહ્યો હતો.
બાદમાં બીજા દિવસે સવારના સાડા આઠેક વાગ્યે ગોડાઉને શીવધારામા ગયો અને ત્યાં જઈને જોયુ તો જે પોતાની માલિકીની ફોરચ્યુનર કાર ગોડાઉન સામે હતી તે જગ્યાએ જોવામાં આવી નહોતી અને આજુ બાજુમાં તપાસ કરી પરંતુ આ ફોચ્ર્યુનર કાર ક્યાંય જોવામાં આવી નહી.આ કાર રૂ.8 લાખની 2012ના મોડેલની કોઈ તસ્કર લઈ ગયો હતો.આ બનાવમાં વેપારી પંકજભાઈએ જણાવ્યું હતું કે,રાત સુધી તો હું રાત્રીના અગિયારેક વાગ્યા સુધી ગોડાઉને હતો.સવારે ગોડાઉને ગયો ત્યારે ત્યાં પાર્ક કરેલી પોતાની કાર હતી નહીં.આ મામલે આજીડેમ પોલીસમાં ફરિયાદ નોંધાઈ હતી. પોલીસે ગોડાઉનની બહાર લગાવવામાં આવેલા ફુટેઝના આધારે તપાસ આદરી છે.
9879405838

આ પ્રકારના તમામ સમાચાર માટેે App ડાઉનલોડ કરો.