કિંગ ખાને વૃદ્ધ વ્યક્તિને ધક્કો માર્યો…:વીડિયો વાઇરલ થતાં ટ્રેન્ડ થયું- ‘શેમ ઓન યુ શાહરુખ’, સ્વિટ્ઝર્લેન્ડમાં લોકાર્નો ફિલ્મ ફેસ્ટિવલની ઘટના

બોલિવૂડ બાદશાહ શાહરુખ ખાન તાજેતરમાં સ્વિટ્ઝર્લેન્ડમાં આયોજિત 77માં લોકાર્નો ફિલ્મ ફેસ્ટિવલનો ભાગ બન્યો હતો. અહીં તેમને પાર્ડો અલ્લા કેરિએરા એવોર્ડથી સન્માનિત કરવામાં આવ્યા છે. જોકે, રેડ કાર્પેટનો એક વીડિયો વાયરલ થયા બાદ શાહરુખ ખાન વિવાદોમાં ઘેરાયેલો જોવા મળે છે. જે વીડિયો સામે આવ્યો છે તેમાં શાહરુખ ખાન એક વૃદ્ધ વ્યક્તિને રેડ કાર્પેટ પર ધક્કો મારતો જોવા મળે છે. આ વીડિયો સામે આવ્યો ત્યારથી સોશિયલ મીડિયા પર 'શેમ ઓન યુ શાહરુખ' ટ્રેન્ડ કરી રહ્યો છે. ફિલ્મ ફેસ્ટિવલમાં બ્લેક સૂટ પહેરીને પહોંચેલા શાહરુખ ખાન પેન્ટના ખિસ્સામાં હાથ નાખીને પોઝ આપી રહ્યો હતો જ્યારે તેણે નજીકમાં ઉભેલા એક વ્યક્તિને તેને ફ્રેમમાં આવતા જોયો. શાહરુખે તે માણસને કેમેરાની ફ્રેમમાંથી હટાવવા માટે તેના હાથ વડે પાછળની તરફ ધક્કો માર્યો. તેણે તે વ્યક્તિને પાછળ ધક્કો મારીને ફરીથી પોઝ આપવાનું શરૂ કર્યું. શાહરુખ ખાનનો આ વીડિયો X પ્લેટફોર્મ પર વાયરલ થઈ રહ્યો છે. આ સાથે 'શેમ ઓન યુ શાહરુખ' હેશટેગ સાથે ટ્રોલર્સ શાહરુખ પર એક વૃદ્ધ વ્યક્તિ સાથે ગેરવર્તન કરવાનો આરોપ લગાવી રહ્યા છે. એક યુઝરે વીડિયો શેર કરીને લખ્યું,- તેણે વૃદ્ધને ધક્કો માર્યો, તેને શરમ આવવી જોઈએ. જ્યારે બીજાએ લખ્યું,- હું હંમેશા જાણતો હતો કે તે એટલો સારો નથી જેટલો તે બનવાનો પ્રયત્ન કરે છે. મહત્ત્વનું છે કે, શાહરૂખ ખાન 10 ઓગસ્ટના રોજ સ્વિટ્ઝર્લેન્ડના લોકાર્નો શહેરમાં પહોંચ્યો હતો. અહીં તે 77મા લોકાર્નો ફિલ્મ ફેસ્ટિવલનો ભાગ બન્યો હતો જ્યાં તેને પાર્ડો અલ્લા કેરિએરા એવોર્ડથી સન્માનિત કરવામાં આવ્યો. શાહરુખ ખાનની માત્ર દેશમાં જ નહીં પરંતુ સમગ્ર વિશ્વમાં મજબૂત ફેન ફોલોઈંગ છે. શનિવારે સાંજે લોકાર્નો ફિલ્મ ફેસ્ટિવલ 2024માં તેને પાર્ડો અલ્લા કેરિયરા એવોર્ડથી સન્માનિત કરવામાં આવ્યો હતો. આ ઈવેન્ટના તેના તમામ ફોટો અને વીડિયો સોશિયલ મીડિયા પર વાયરલ થઈ રહ્યા છે. હિન્દી ભાષામાં વાત કરતાં તેણે ફેન્સના આઈ લવ યુ નો જવાબ આપ્યો હતો. તેણે મજાકમાં એમ પણ કહ્યું કે તે આ એવોર્ડ ટાઈટલનું નામ બોલી શકશે નહીં કારણ કે તે ખૂબ જ અઘરું છે. તેની 2002ની ફિલ્મ 'દેવદાસ' પણ ફિલ્મ ફેસ્ટિવલમાં દર્શાવવામાં આવી હતી. કિંગ ખાન 11 ઓગસ્ટ(આજે)યોજાનારા સેશનમાં ચાહકોના સવાલોના જવાબ આપશે. એવોર્ડ મેળવ્યા બાદ શાહરુખ ખાને ટ્રોફી વિશે કહ્યું, 'તે ખૂબ જ ભારે છે' અને તેને બાજુ પર મૂકી દીધી, જેનાથી લોકો હસી પડ્યા. અભિનેતાએ કહ્યું, 'ખુલ્લા હૃદયથી મારું સ્વાગત કરવા માટે હું તમારા બધાનો આભાર માનવા માંગુ છું, જે આ ખૂબ જ સુંદર, ખૂબ જ સાંસ્કૃતિક, ખૂબ જ કલાત્મક અને ખૂબ જ હૂંફાળું શહેર લોકાર્નોમાં સ્ક્રીન પર મારાં સ્વાગત કરતાં પણ વધુ અદ્ભુત છે.' શાહરુખે ભારત વિશે વાત કરી
તેણે આગળ કહ્યું, 'એક નાની જગ્યામાં ઘણા લોકો બેઠા છે અને એટલી ગરમી છે, એવું લાગે છે કે જાણે ભારતમાં ઘરે હોઉં. આથી મને અહીં આમંત્રિત કરવા બદલ તમારો ખૂબ ખૂબ આભાર. છેલ્લી બે સાંજ ખૂબ અદ્ભુત રહી. શાહરૂખે ફેન્સના 'આઈ લવ યૂ'ની બૂમનો જવાબ આપ્યો
ભાષણ દરમિયાન, પ્રેક્ષકોમાં એક ચાહકે બૂમો પાડી, 'આઈ લવ યુ'. શાહરુખે કહ્યું, 'હું પણ તમને પ્રેમ કરું છું.' તેણે ભાષણ દરમિયાન કહ્યું 'દિવસ અદ્ભુત હતો, ભોજન અદ્ભુત હતું, મારું ઇટાલિયન સુધરી રહ્યું છે અને મારી રસોઈ પણ સુધરી રહી છે,' પછી તેણે ઇટાલિયન ભાષામાં વાત કરી અને અનુવાદ કર્યો, 'હું પાસ્તા અને પિઝા પણ બનાવી શકું છું.' હું અહીં લોકાર્નોમાં શીખી રહ્યો છું.' શાહરુખે હિન્દીમાં વાત કરી
પોતાનું ભાષણ પૂરું કરતાં શાહરુખે હિન્દીમાં કહ્યું, 'હું મારા હૃદયના ઊંડાણથી અને સમગ્ર ભારત વતી તમારો આભાર માનું છું. નમસ્કાર અને આભાર. ભગવાન તમારા સૌનું ભલું કરે' શાહરૂખ ખાન 11 ઓગસ્ટ(આજ)ના સત્રમાં પ્રશ્નોના જવાબ આપશે
કાર્યક્રમ પહેલા લોકાર્નો ફિલ્મ ફેસ્ટિવલે શાહરુખનું પોસ્ટર રિલીઝ કર્યું હતું. ફેસ્ટિવલના ઓફિશિયલ ઈન્સ્ટાગ્રામ એકાઉન્ટ પર શેર કરવામાં આવેલા પોસ્ટરમાં, શાહરુખ અદભુત બ્લેક બ્લેઝર અને મેચિંગ ટ્રાઉઝરમાં જોવા મળી રહ્યો છે, જે અદભુત લુક આપી રહ્યો છે. શાહરુખને ફેસ્ટિવલના 'લાઈફ ટાઈમ અચીવમેન્ટ એવોર્ડ'થી સન્માનિત કરવામાં આવ્યો હતો. ધ હોલિવૂડ રિપોર્ટર અનુસાર, તે 11 ઓગસ્ટના રોજ એક સવાલ-જવાબ સેશનમાં પણ ભાગ લેશે. ફેસ્ટિવલમાં શાહરુખ ખાનની 'દેવદાસ'નું સ્ક્રીનિંગ થયું
તેની કારકિર્દીને સન્માનિત કરવા માટે, ફેસ્ટિવલમાં સંજય લીલા ભણસાલીની 2002ની ફિલ્મ 'દેવદાસ' દર્શાવવામાં આવી હતી, જેમાં તેણે એક અમીર લો ગ્રેજ્યુએટની ભૂમિકા ભજવી હતી. ફિલ્મમાં ઐશ્વર્યા રાય બચ્ચન અને માધુરી દીક્ષિતે પણ મહત્ત્વની ભૂમિકા ભજવી હતી. આ ફિલ્મમાં શાહરુખ ખાન જોવા મળશે
વર્ક ફ્રન્ટની વાત કરીએ તો શાહરુખ ખાન તેની આગામી ફિલ્મ 'કિંગ'નું શૂટિંગ શરૂ કરશે. અહેવાલ મુજબ આ ફિલ્મમાં શાહરુખની પુત્રી અને અભિનેત્રી સુહાના ખાન પણ મુખ્ય ભૂમિકામાં હશે. રિપોર્ટ્સ અનુસાર, 'કિંગ'નું નિર્દેશન સુજોય ઘોષ કરશે.

આ પ્રકારના તમામ સમાચાર માટેે App ડાઉનલોડ કરો.