કુવાડવા રોડ પર જુની અદાવતનો ખાર રાખી યુવક પર છરીથી હુમલો

કુવાડવા રોડ પર પુજારાના શો-રૂમ પાસે જુની અદાવતનો ખાર રાખી મોહીત નામના યુવક પર ચાર શખ્સોએ છરીથી હુમલો કરતા ઈજાગ્રસ્તને સારવારમાં ખસેડાયો હતો.
બનાવ અંગેની વિગત અનુસાર મોરબી રોડ પરના ગણેશનગર-8માં રહેતો મોહીત ચમનભાઈ ગોહેલ (ઉ.18) ગત રોજ કુવાડવા રોડ પર પુજારાના શોરૂમ પાસે હતો ત્યારે ધસી આવેલા કરણ, રવિ, વિશાલ અને અન્ય શખ્સોએ ઝઘડો કરી છરીથી હુમલો કરી નાસી છૂટયા હતા.
બનાવમાં ઈજાગ્રસ્ત યુવકને લોહીલુહાણ હાલતમાં સારવારમાં સીવીલ હોસ્પીટલે ખસેડાયો હતો. બનાવ અંગે સીવીલ ચોકીના સ્ટાફે બી ડીવીઝન પોલીસને જાણ કરતા સ્ટાફ દોડી આવ્યો હતો અને ઈજાગ્રસ્તનું નિવેદન નોંધી તપાસ હાથ ધરી હતી.
વધુમાં ઈજાગ્રસ્તે જણાવ્યું હતું કે ગત નવરાત્રીમાં મારા મીત્ર સાથે કરણ અને તેની સાથેના શખ્સોએ ઝઘડો કરતા હતા ત્યારે હું તેની વચ્ચે પડયો હતો. જેનો ખાર રાખી છરીથી હુમલો કર્યો હતો. બનાવ અંગે પોલીસે વધુ તપાસ હાથ ધરી છે.

આ પ્રકારના તમામ સમાચાર માટેે App ડાઉનલોડ કરો.