સીઆઇએએસએફ જવાને પોતાની દિકરી સમાન સહ કર્મીની પુત્રીની છેડતી કરી

અમદાવાદ,રવિવારમેઘાણીનગરમાં રહેતા અને એરપોર્ટ ઉપર સીઆઇએસએફમાં નોકરી કરતા જવાને પોતાના સહ કર્મચારીની જવાન પુત્રીની છેડતી કરી હતી. રાજસ્થાનમાં રહેતી યુવતી પરીક્ષા માટે અમદાવાદ આવી હતી અને પોતાના પિતાના સહ કર્મચારીના ઘરે રોકાઇ હતી. જ્યાં મધરાતે યુવતી સાથે શારિરીક અડપલા કરીને આરોપી ભાગી ગયો હતો.રાજસ્થાનના સહ કર્મચારીની પુત્રી આરોપીના ઘરે રોકાઇ હતી મધરાતે શારિરીક અડપલા કર્યા યુવતી જાગી જતા આરોપી ભાગી ગયોઆ બેનાવની વિગત એવી છે કે રાજસ્થાનમાં રહેતી ૨૦ વર્ષની યુવતીએ મેઘાણીનગર પોલીસ સ્ટેશનમાં મેઘાણીનગર ખાતે રહેતા અને એરપોર્ટ ખાતે  સીઆઇએસએફમાં નોકરી કરતા જવાન સામે  ફરિયાદ નોંધાવી છે કે આરોપી રાજસ્થાનમાં યુવતીના પિતા સાથે નોકરી કરતો હતો અને તે પડોશમાં રહેતા હતો યુવતીને પરીક્ષા આપવાની હોવાથી તા.૪ના રોજ  અમદાવાદ આવી હતી અને તેના ઘરે રોકાઇ હતી.યુવતી  તેની માતા સાથે સૂતી હતી જ્યાં રાતે બે વાગે આરોપીએ યુવતી સાથે શારિરીક અડપલા કર્યા હતા અચાનક યુવતી અને તેની માતા જાગી જતા  આરોપી નાસી ગયો હતો. જેને લઇને યુવતી અને તેની માતા મધરાતે આરોપીના ઘરેથી કાલુપુર રેલવે સ્ટેશને ગયા હતા ત્યાં રોકાયા હતા. ત્યારબાદ  આરાપી સામે મેઘાણીનગરમાં ફરિયાદ નોંધાવતાં પોલીસે ગુનો નોંધી વધુ તપાસ હાથ ધરી છે.

આ પ્રકારના તમામ સમાચાર માટેે App ડાઉનલોડ કરો.