યુવકના સુસાઇડનો લાઇવ VIDEO:100 ફૂટની ટાંકી પરથી કૂદ્યો, નીચે પટકાતાં જ પગનાં હાડકાં બહાર આવી ગયાં, માતા-પિતાનો એકમાત્ર પુત્ર હતો

પંજાબના ખરારમાં ચંદીગઢ યુનિવર્સિટી (CU)માં અભ્યાસ કરતા વિદ્યાર્થીએ 100 ફૂટ ઉંચી પાણીની ટાંકી પરથી કૂદીને આત્મહત્યા કરી હતી. તેનો છલાંગ લગાવતો વીડિયો સામે આવ્યો છે. જેમાં તે કૂદતો જોવા મળી રહ્યો છે. મૃતક વિદ્યાર્થીની ઓળખ બહાદુરગઢ (હરિયાણા)ના રહેવાસી 19 વર્ષીય સુમિત છિક્કારા તરીકે થઈ છે. તે તેના માતા-પિતાનો એકમાત્ર પુત્ર હતો. મિત્રોએ પોલીસને જણાવ્યું કે, મૃતકે આ પગલું ભર્યા પહેલા પણ આત્મહત્યાનો પ્રયાસ કર્યો હતો. આ ઘટના 15 જુલાઈની હોવાનું કહેવાય છે. યુનિવર્સિટીમાં BBA કરતો હતો
સુમિત ખડુઆન સ્થિત CUમાં BBAનો વિદ્યાર્થી હતો. તેના સાથીદારો આદિત્ય અને વૈભવે જણાવ્યું કે, સુમિત તેમનો મિત્ર હતો, જે કેટલાક દિવસોથી પૈસાની લેવડ-દેવડને લઈને ચિંતિત હતો. સુમિતે પહેલા તેના હાથની નસ કાપી અને પછી અચાનક મોર્ડન સિટી સેન્ટરમાં બનેલી પાણીની ટાંકી ઉપર ચઢી ગયો. મિત્રો અને આસપાસના લોકોએ તેને ટાંકી પર ચડતા જોયો કે તરત જ તેઓએ તેને રોકવાનો પ્રયાસ કર્યો હતો. તેને રોકવા માટે બે વ્યક્તિઓ પણ ટાંકી પર ચઢ્યા હતા, પરંતુ સુમિતે તેમને ચઢતા જોઈને ટાંકીમાંથી છલાંગ લગાવી દીધી હતી. યુવકના હાડકાં બહાર આવી ગયા
બે યુવક તેને સરકારી દવાખાને ખરાર લઈ આવ્યા. તપાસ બાદ તબીબોએ તેને મૃત જાહેર કર્યો હતો. મળતી માહિતી મુજબ યુવકના બંને પગ ભાંગી ગયા હતા. પગના હાડકાં બહાર દેખાતા હતા. પોલીસે લાશને સ્વજનોને સોંપી હતી
તે મોર્ડન વેલી ખાનપુરમાં પીજીમાં તેના મિત્રો સાથે રહેતો હતો અને તેના માતા-પિતાનો એકમાત્ર પુત્ર હતો. આ અકસ્માતની માહિતી મળતાં જ મૃતકના પરિવારજનો હરિયાણાના બહાદુરગઢથી સરકારી હોસ્પિટલ ખારર પહોંચ્યા હતા. પોલીસે મૃતદેહનું પોસ્ટમોર્ટમ કરાવી પરિવારજનોને સોંપી દીધું છે.

આ પ્રકારના તમામ સમાચાર માટેે App ડાઉનલોડ કરો.