યોગી સરકારે ધાર્યું કર્યું, લવ-જેહાદ બિલ પાસ:દોષિતો પર દંડ પણ વધારવામાં આવ્યો, સામૂહિક ધર્મ પરિવર્તન માટે 14 વર્ષની સજાની જોગવાઈ

લવ જેહાદ સંબંધિત બિલ મંગળવારે યુપી વિધાનસભામાં પસાર કરવામાં આવ્યું હતું. આ બિલમાં હવે આરોપીઓને આજીવન કેદ સુધીની સજાની જોગવાઈ છે. આ કાયદામાં ઘણા ગુનાઓની સજા બમણી કરવામાં આવી છે. લવ જેહાદ હેઠળ નવા ગુનાઓ પણ ઉમેરવામાં આવ્યા છે. તમને જણાવી દઈએ કે યોગી સરકારે સોમવારે ગૃહમાં આ સંબંધિત બિલ રજૂ કર્યું હતું. જાણો નવા બિલમાં શું જોગવાઈ બિલમાં સુધારો કેમ કરવો પડ્યો?
સરકારનું કહેવું છે કે આવો નિર્ણય અપરાધની ગંભીરતા, સામાજિક દરજ્જો અને મહિલાઓની ગરિમાના હિતમાં લેવામાં આવ્યો છે. ઉપરાંત, એસસી-એસટી લોકોના ગેરકાયદે ધર્માંતરણને રોકવા માટે સજા અને દંડ વધારવાની જરૂરિયાત અનુભવાઈ હતી. સુધારેલા બિલ હેઠળ કોર્ટ પીડિતાના સારવાર ખર્ચ અને પુનર્વસન માટે દંડની રકમ પણ નક્કી કરી શકશે. ધર્મ પરિવર્તન અને કપટપૂર્ણ લગ્ન માટે આ સજા હશે
અગાઉ ધર્મ પરિવર્તન અને ફોસલાવીને લગ્ન કરવા માટે એકથી પાંચ વર્ષની જેલ અને 15,000 રૂપિયાના દંડની જોગવાઈ હતી. હવે આ ગુના માટે 3થી 10 વર્ષની જેલ અને 25 હજાર રૂપિયાના દંડની જોગવાઈ કરવામાં આવી છે. સગીર SC-ST મહિલા સાથે લવ જેહાદ માટે આ સજા
સગીર એસસી અથવા એસટી મહિલા સાથે લવ જેહાદ માટે 2થી 10 વર્ષની જેલ અને 25,000 રૂપિયાના દંડની જોગવાઈ હતી. હવે તેને વધારીને 5થી 14 વર્ષની જેલ અને 1 લાખ રૂપિયાનો દંડ કરવામાં આવ્યો છે. હાલમાં, ગેરકાયદે સામૂહિક ધર્મ પરિવર્તન માટે 3થી 10 વર્ષની જેલ અને 50,000 રૂપિયાના દંડની જોગવાઈ છે. હવે તેને વધારીને 7થી 14 વર્ષની જેલ અને 1 લાખ રૂપિયાનો દંડ કરવામાં આવ્યો છે. 2020માં પહેલો કાયદો બન્યો હતો
તમને જણાવી દઈએ કે ઉત્તરપ્રદેશની યોગી સરકારે 2020માં લવ જેહાદ વિરુદ્ધ પહેલો કાયદો બનાવ્યો હતો. આ પછી, યુપી સરકારે વિધાનસભામાં ધર્મ પરિવર્તન નિષેધ બિલ 2021 પસાર કર્યું. આ બિલમાં 1થી 10 વર્ષ સુધીની સજાની જોગવાઈ હતી. આ બિલમાં એવી જોગવાઈ હતી કે માત્ર લગ્ન માટે કરવામાં આવતા ધર્મ પરિવર્તનને અમાન્ય ગણવામાં આવશે. આ પહેલા યુપીમાં બનેલા જૂના કાયદા મુજબ જૂઠું બોલીને ધર્મ પરિવર્તન કરવું ગુનો ગણાશે. જો કોઈ સ્વેચ્છાએ ધર્મપરિવર્તન કરવા માગે છે, તો તેણે મેજિસ્ટ્રેટને 2 મહિના અગાઉ જાણ કરવી પડશે. આ બિલ મુજબ બળજબરીથી અથવા કપટપૂર્ણ ધર્મ પરિવર્તન માટે 1-5 વર્ષની જેલની સાથે 15,000 રૂપિયાના દંડની જોગવાઈ હતી. આ કેસમાં પણ જો કેસ દલિત યુવતી સાથે સંબંધિત હોય તો 3થી 10 વર્ષની જેલની સાથે 25 હજાર રૂપિયાના દંડની જોગવાઈ હતી.

આ પ્રકારના તમામ સમાચાર માટેે App ડાઉનલોડ કરો.