જાણવા જેવુ / મલ્ટીપ્લેક્સમાં કેમ મોંઘી મળે છે પોપકોર્ન, જાણો PVRના એમડીએ શું કહ્યું

દરેક ભારતીય પરિવાર સિનેમા હોલમાં જઈને ફિલ્મની મજા માણવા માંગે છે. પરંતુ તાજેતરના વર્ષોમાં સિનેમા હોલમાં ફિલ્મો જોવુ ખિસ્સા પર ભારે પડી રહ્યું છે. કારણ કે કોરોના કાળ પછી મૂવીની ટિકિટો મોંઘી થઈ ગઈ છે સાથે જ મલ્ટિપ્લેક્સમાં મળતા નાસ્તા પણ ખૂબ મોંઘા થઈ ગયા છે. અને વીકએન્ડમાં ફિલ્મો જોવા જવાનું ખિસ્સા પર વધુ ભારે પડે છે. ચાર જણના પરિવાર માટે મલ્ટિપ્લેક્સમાં ફિલ્મ જોવા માટે 1500 થી 3000 રૂપિયાનો ખર્ચ થાય છે.

જ્યારે પણ ફેમિલી મલ્ટિપ્લેક્સમાં ફિલ્મ જોવા જાય છે, ત્યારે પોપકોર્ન તેમનો પ્રિય સ્નેક્સ છે. પરંતુ મોંઘી પોપકોર્ન લોકોની પહોંચની બહાર બની રહી છે. જેના કારણે મલ્ટિપ્લેક્સ લોકોના નિશાના પર છે. પરંતુ પીવીઆરના એમડી અજય બિજલીએ પણ આ મુદ્દે સ્પષ્ટતા આપી છે. મીડિયા રિપોર્ટ્સ મુજબ તેમણે જણાવ્યું કે પોપકોર્ન મોંઘા હોવાની ટીકા કરવી યોગ્ય ન ગણી શકાય. પરંતુ મલ્ટિપ્લેક્સમાં મળતા ફૂડ એન્ડ બ્રવેરજના ભાવમાં કોઈ ફેરફાર કરી શકાશે નહીં.

તેમણે જણાવ્યું કે જ્યારે આપણે સિંગલ સ્ક્રીનથી મલ્ટિપ્લેક્સ તરફ આગળ વધી રહ્યા છીએ, ત્યારે મલ્ટિપ્લેક્સની ઓપરેશનલ કોસ્ટ વધી છે. આ મોંઘા ખર્ચને આવરી લેવા માટે નાસ્તાના ભાવમાં વધારો કરવો પડે છે. અજય બિજલીના કહેવા પ્રમાણે મલ્ટિપ્લેક્સમાં ફૂડ એન્ડ બેવરેજનો બિઝનેસ 1500 કરોડ રૂપિયાનો છે. મલ્ટિપ્લેક્સમાં ઘણી બધી સ્ક્રીન હોય છે, જેના કારણે ખર્ચ 4 થી 6 ગણો વધી જાય છે. મલ્ટિપ્લેક્સમાં મલ્ટીપલલ પ્રોજેક્શન રૂમથી લઈ સાઉન્ડ સિસ્ટમ હોય છે, જેના પર વધારે ખર્ચ આવે છે. 

જ્યારે હાલના સમયમાં સતત ફ્લોપ થઈ રહેલી હિન્દી ફિલ્મોએ પણ મલ્ટિપ્લેક્સ કંપનીઓની મુશ્કેલીમાં વધારો કર્યો છે. આમિર ખાનની લાલ સિંહ ચઢ્ઢા અને અક્ષય કુમારની રક્ષાબંધન ફ્લોપ રહી હતી. લાલ સિંહ ચઢ્ઢા 210 કરોડના ખર્ચે બની હતી પરંતુ બોક્સ ઓફિસ પર માત્ર 45 કરોડ જ કલેક્શન કરી શકી છે. રક્ષાબંધન પર 120 કરોડ રૂપિયાનો ખર્ચ કરવામાં આવ્યો હતો, જે અત્યાર સુધી માત્ર 35 કરોડ રૂપિયા એકત્ર કરી શકી છે. બોલિવૂડ ફિલ્મો પ્રત્યેની ઉદાસીનતાએ મલ્ટિપ્લેક્સ કંપનીઓની ચિંતા પણ વધારી દીધી છે.

આ પ્રકારના તમામ સમાચાર માટેે App ડાઉનલોડ કરો.