તને ગાડી ચલાવતા આવડતું નથી કહી કારખાનેદાર પર ત્રણ શખ્સનો પાઈપથી હુમલો

ગોવર્ધન ચોક પાસે તને ગાડી ચલાવતા આવડતું નથી કહી કારખાનેદાર પર ત્રણ શખ્સનો પાઈપથી હુમલો કરનાર ત્રણ શખ્સોમાંથી બે આરોપીને પોલીસે પકડી કાયદેસરની કાર્યવાહી કરી હતી.
બનાવ અંગે જામનગર રોડ પર મનહરપુરમાં રહેતાં રોહિત કિશોરભાઈ ખુંટ (ઉ.વ.29) એ ફરિયાદમાં જણાવ્યું હતું કે, તેઓ કોઠારીયા સોલવંટમા અક્ષર મેન્યુફેકચરી નામનું કારખાનુ ચલાવે છે. ગત રાત્રીના આઠેક વાગ્યાની આસપાસ તેઓ કારખાનેથી મારી ફોર વ્હીલર લઈને ઘરે આવવા નિકળેલ ત્યારે 150 ફુટ રીંગ રોડ ગોવર્ધન ચોક ચાર રસ્તા પાસે પહોંચેલ ત્યારે મારી કાર આગળ ડબલ સવારી બાઈકચાલક જતો હતો તેણે અચાનક બ્રેક મારતાં તેને પણ કારને બ્રેક મારેલ હતી.
દરમિયાન બાઇક સવાર યુવકે તેની પાસે આવી મને વરસાદના કારણે બ્રેક મારતા બ્રેક ચોટી ગયેલ હોવાનુ જાણાવેલ જેથી મે તેને કહેલ કે કાંઈ વાંધો નહિ તેમ જણાવી તેની બાઇક સાઈડમાં લેવાનુ કહેલ ત્યારે બાઇક ચાલક નીચે ઉતરી મને ગાળો આપી ગાડી ચલાવતા નથી આવડતુ કહિ બોલાચાલી ઝઘડો કરવા લાગેલ હતો.
દરમિયાન ત્યારે એક રીક્ષા ચાલક પણ ત્યાં આવેલ અને રીક્ષામાંથી અન્ય એક શખ્સ ઉતરેલ અને તે ઓટો રીક્ષામાં આવેલ શખ્સોએ કેમ મારા ભાઈને એકલો સમજી તેની સાથે ઝઘડા કરે છે કહિ ગાળો આપી પાઈપથી ફટકારેલ હતો.
બાદમાં પોલીસની પીસીઆર વાન આવી જતાં બાઇક ચાલક નાસી છૂટ્યો હતો. જ્યારે રીક્ષા ચાલક અને તેની સાથેના શખ્સને પોલીસે પકડી લીધેલ હતાં. તેનું નામ પૂછતાં ચીરાગ સોલંકી તથા તેની સાથેનો રાજેશ મકવાણા (રહે. બંને આંબેડકરનગર) હોવાનું જણાવેલ અને બન્નેને પોલીસે ધરપકડ કરી નાસી છૂટેલા શખ્સની શોધખોળ આદરી હતી.
9879405838

આ પ્રકારના તમામ સમાચાર માટેે App ડાઉનલોડ કરો.