પત્ની ત્રણ પુત્રી સાથે રિસામણે ચાલી જતાં વિરહમાં મુકેશભાઈ ચોટલીયાનો આપઘાત
શહેરના બાપા સીતારામ ચોક પાસે સોરઠીયા પાર્ક- 4 માં રહેતાં મુકેશભાઈ પ્રગજીભાઈ ચોટલીયા (ઉ.વ.41) ગઈકાલે પોતાના ઘરે છતના હુકમાં ચુંદડી વડે ફાંસો લગાવી આપઘાત કરી લેતાં અરેરાટી વ્યાપી ગઈ હતી. બનાવની જાણ થતાં તાલુકા પોલીસનો સ્ટાફ દોડી ગયો હતો.
પ્રાપ્ત વિગત મુજબ, મૃતક મુકેશભાઈ કડીયાકામ કરી પરીવારનું ગુજરાન ચલાવતાં હતાં. તેમને સંતાનમાં ત્રણ પુત્રી છે. તેઓને તેમની પત્ની સાથે કોઈ કારણસર અણબનાવ બનતાં તેમની પત્ની છ માસ પેહલાં ત્રણ પુત્રીઓ સાથે રાજકોટમાં જ રહેતી તેની બહેનના ઘરે રિસામણે ચાલી ગઈ હતી. જે બાદ મુકેશભાઈ એકલવાયું જીવન જીવતાં અને થોડો સમય તેના વતન ટંકારામાં રહેતાં અને થોડો સમય રાજકોટ રહેતાં હતાં. બે દિવસથી પહેલાં જ તેઓ ગામડેથી રાજકોટ આવ્યા હતાં અને પુત્રીઓ અને પત્નીનો વિરહ સહન ન થતાં અંતિમ પગલું ભરી લીધું હતું.
બાદમાં તેના નાના ભાઈએ ફોન કરતાં ફોન ન ઉપાડતા તેઓ ઘરે દોડી ગયાં અને જોયું તો મુકેશભાઈ લટકતી હાલતમાં જોવા મળતાં તેઓ પણ બેભાન થઈ ગયાં હતાં. બાદમાં દોડી આવેલ પડોસીઓએ 108 ને જાણ કરતાં 108 ની ટીમે તેઓને તપાસી મૃત જાહેર કર્યા હતાં. બનાવ અંગે જાણ થતાં તાલુકા પોલીસ મથકનો સ્ટાફ ઘટના સ્થળે દોડી ગયો હતો અને જરૂરી કાર્યવાહી કરી મૃતદેહને પીએમ અર્થે ખસેડયો હતો. બનાવથી પરિવારમાં કાળો કલ્પાંત છવાયો હતો.
9879405838
આ પ્રકારના તમામ સમાચાર માટેે
App ડાઉનલોડ કરો.