ક્રિતિએ કબીર બહિયા સાથે લગ્નના સમાચાર પર મૌન તૌડ્યું:કહ્યું, ‘આ વાત પરેશાન કરનારી છે , મારે સ્પષ્ટ કરવું પડશે કે આ સાચું નથી’

અભિનેત્રી ક્રિતિ સેનન આ દિવસોમાં પોતાની અંગત જિંદગીની બાબતોને કારણે ચર્ચામાં છે. છેલ્લા કેટલાક સમયથી બિઝનેસમેન કબીર બહિયા સાથે ડેટિંગના સમાચારો ચર્ચામાં છે. ક્રિતિએ કબીર બહિયા સાથે ડેટિંગની અફવાઓ પર પોતાનું મૌન તોડ્યું છે. અભિનેત્રીએ એક ઇન્ટરવ્યૂ દરમિયાન ડેટિંગ સમાચાર પર પ્રતિક્રિયા આપી હતી અને તેને નિરાશાજનક ગણાવી હતી. તેણે કહ્યું કે 'મારે વારંવાર સ્પષ્ટતા કરવી પડશે કે આ સાચું નથી.' ક્રિતિ સેનનની કબીર બહિયા સાથેની રજાઓની તસવીરો ઈન્ટરનેટ પર વાયરલ થઈ રહી છે. અહેવાલોમાં દાવો કરવામાં આવી રહ્યો છે કે, અભિનેત્રી ટૂંક સમયમાં લગ્ન કરવાનું વિચારી રહી છે. તાજેતરમાં જ ક્રિતિ સેનને ફિલ્મફેર સાથેના એક ઈન્ટરવ્યૂમાં જણાવ્યું હતું કે, તે લગ્ન કરવાના મૂડમાં નથી અને તેણે આ સમાચારોને ખૂબ જ પરેશાન કરનારા ગણાવ્યા છે. ક્રિતિ સેનને કહ્યું, 'જ્યારે આ પ્રકારની ખોટી માહિતી ફેલાવવામાં આવે છે, ત્યારે તે સાંભળીને મને ખૂબ ગુસ્સો આવે છે. તેનાથી પરિવાર પર અસર થાય છે. મારા મિત્રો મેસેજ મોકલીને પૂછે છે કે શું તે સાચું છે? વારંવાર મારે સ્પષ્ટ કરવું પડશે કે આ સાચું નથી.' મહત્ત્વનું છે કે, આ પહેલીવાર નથી જ્યારે ક્રિતિ સેનનનું નામ કોઈની સાથે જોડાઈ રહ્યું છે. આ પહેલા આ એક્ટ્રેસનું નામ ટાઈગર શ્રોફથી લઈને પ્રભાસ સુધીના ઘણા કલાકારો સાથે જોડાયું હતું. હાલમાં એવી ચર્ચા છે કે ક્રિતિ સેનન યુકે સ્થિત બિઝનેસમેન કબીર બહિયાને ડેટ કરી રહી છે. અહેવાલો અનુસાર, કબીર બહિયા સાથે કૃતિની તસવીરો જુલાઈમાં ઈન્ટરનેટ પર વાયરલ થઈ હતી. તેઓ ગ્રીસમાં સાથે વેકેશન કરતા જોવા મળ્યા હતા.

આ પ્રકારના તમામ સમાચાર માટેે App ડાઉનલોડ કરો.