માંડાડુંગરમાં ગટર મામલે પડોશીઓ વચ્ચે મારામારી: મહિલા સહિત ત્રણને ઈજા

માંડાડુંગરમાં ગટર બુરી દેવા મામલે બે પડોશીઓ વચ્ચે મારામારી થતાં મહીલા સહીત ત્રણને ઈજા થતાં સારવારમાં સીવીલ હોસ્પિટલે ખસેડાયા હતાં. બનાવની વિગત અનુસાર ભાવનગર રોડ પર આવેલ માંડાડુંગરની હરસિદ્ધી સોસાયટીમાં રહેતાં ત્યારે તેની પડોશમાં રહેતાં જેન્તીભાઈ સાથે શેરીમાંથી પસાર થતી ગટર બુરી દેવા મામલે ઝઘડો થતાં મેહુલભાઈ પર જેન્તી હસમુબ, અશ્ર્વીન અને અજાણ્યા શખ્સે લાકડી અને પથ્થરથી હુમલો કર્યો હતો. જેને બચાવવા વચ્ચે પડેલા તેના ભાભી પારૂલબેન નરેન્દ્રભાઈ સોલંકી (ઉ.વ.31) ને પણ લાકડીથી ફટકાર્યો હતો.સામાપક્ષે જેન્તીભાઈ હરજીભાઈ ગોહેલ (ઉ.વ.34) પર મયુર, કાનો અને અજાણ્યા શખ્સે પાઈપ અને લાકડીથી હુમલો કર્યો હતો. સામસામી મારામારીમાં ઈજાગ્રસ્ત ત્રણેયને સારવારમાં સીવીલ હોસ્પિટલે ખસેડાયા હતાં. બનાવ અંગે સીવીલ ચોકીના સ્ટાફે આજીડેમ પોલીસને જાણ કરતાં સ્ટાફે તપાસ હાથ ધરી હતી.

આ પ્રકારના તમામ સમાચાર માટેે App ડાઉનલોડ કરો.