સાધુવાસવાણી રોડ પર થડા મામલે મહીલાને દંપતીએ ઢીકાપાટુનો મારમાર્યો

સાધુવાસવાણી રોડ પર આવેલ શાકમાર્કેટમાં થડો રાખવા મામલે કટલેરીના ધંધાર્થી મહીલા પર દંપતી અને તેના પુત્રએ ઢીકાપાટુનો મારમારતા મહીલાને સારવારમાં ખસેડાઈ હતી.પ્રાપ્ત વિગત અનુસાર, રૈયા રોડ પર શ્રીજીપાર્ક-4માં રહેતાં અને કટલેરીનો ધંધો કરતાં શિલ્પાબેન અંકુરભાઈ રૂપારેલ (ઉ.વ.40) ગત રોજ સાંજે સાધુ વાસવાણી રોડ પર ગુરૂજીનગર કવાટર સામે આવેલ શાકમાર્કેટમાં પોતાની કટલેરી રેકડી સાથે ઉભા હતાં.
ત્યારે ત્યાં જ વાસણનો થડો રાખતો અજાણ્યા દંપતીએ આ અમારી જગ્યા છે કહી ઝઘડો કરી મહીલાને ઢીકાપાટુનો મારમાર્યો હતો. બનાવની જાણ થતાં ઝઘડો કરતાં દંપતીના પુત્ર પણ ઘસી આવ્યો હતો જેને પણ મારમાર્યો હતો.બનાવમાં ઈજાગ્રસ્ત મહીલાને સારવારમાં સીવીલ હોસ્પિટલમાં ખસેડાઈ હતી. બનાવ અંગે સીવીલ ચોકીના સ્ટાફે યુનિવર્સિટી પોલીસને જાણ કરી હતી.
9879405838

આ પ્રકારના તમામ સમાચાર માટેે App ડાઉનલોડ કરો.