જૂનાગઢ પોલીસે સુરક્ષા સાથે સેવાનું ઉત્તરદાયિત્વ નિભાવ્યું

હાલના સાંપ્રત સમયમાં દીકરા દીકરીના લગ્ન બાદ સંબંધો બગડવાના કિસ્સાઓ અને ત્યારબાદ બંને કુટુંબના મોભીઓ દ્વારા કાવાદાવા કરીને કોર્ટમાં કેસો કરી, દીકરા દીકરીઓના જીવનને બરબાદ કરવાના કિસ્સાઓ વધતા જાય છે. સાથેસાથે કાચી ઉંમરમાં દીકરા દીકરીઓ દ્વારા લેવામાં આવેલ અપરિપક્વ નિર્ણયના કારણે માતાપિતાને ક્ષોભ જનક પરિસ્થિતિમાં મૂકી દેતા હોય છે. આવા કિસ્સાઓમાં સામાન્યરીતે દીકરા દીકરીના કુટુંબીજનોના અહમ અને ખેંચાખેંચીના કારણે કોર્ટ મેટર થતા, આ વિવાદ બહુ લાંબો ચાલે છે અને સરવાળે દીકરા દીકરીનો યુવાનીનો સમય વેડફાય છે અને બંને કુટુંબ ડિસ્ટર્બ રહે છે. ઘણીવાર આવા કિસ્સામાં કેસો પંદર વીસ વર્ષ ચાલે છે અને બંને કુટુંબના મોભીના અહમના કારણે દીકરા દીકરીના બીજીવાર લગ્ન થઈ શકતા નથી અને જિંદગી બરબાદ થઈ જાય છે. આવા સમયે પોલીસ દેવદૂત બનીને આવે તો, બને કુટુંબનો પ્રશ્ન સોલ્વ થાય છે અને દીકરા દીકરીના ભવિષ્યના જીવન સુધરી જાય છે. આવો જ એક કિસ્સો જૂનાગઢ શહેરમાં સામે આવ્યો છે

જૂનાગઢ તાલુકાના ગ્રામ્ય વિસ્તારમાં રહેતા અને મજૂરી કરી, જીવન ગુજારતા 70 વર્ષીય સિનિયર સીટીઝનએ પોતાના દીકરા તથા આગેવાનો સાથે જૂનાગઢ ડિવિઝનના ડીવાયએસપી પ્રદિપસિંહ જાડેજાને મળી, પોતાનો દીકરો સુરત કરોડપતિ શેઠને ત્યાં કામ કરતો હોઈ, સુરતના શેઠની દીકરી સાથે પ્રેમ સંબંધ થઈ જતા, ભગાડી, કોર્ટમાં લગ્ન કરી, ઘરે લાવેલ હોઈ, પોતે નાનો માણસ હોઈ, દીકરા દીકરી દ્વારા ભૂલ થયેલ હોઈ, કરોડપતિ શેઠની દીકરીને પોતે પોતાના ઘરમાં સાચવી ના શકે, દીકરા અને દીકરીને ખૂબ સમજાવ્યા પણ માનતા ના હોઈ તેમજ સુરત ખાતેથી પણ દબાણ આવવા લાગેલ હોઈ, પોતે દીકરાને દવા પી જવાની ધમકી આપવા છતાં, છોકરા છોકરી એક ના બે ના થતા હોઈ, પોલીસ દ્વારા મદદ કરવા બાબતે ગળગળા થઈને રજૂઆત કરવામાં આવેલ હતી

જૂનાગઢ રેન્જના ડીઆઈજી શ્રી મનીંદર પ્રતાપ સિંહ પવાર તથા જૂનાગઢ પોલીસ વડા શ્રી રવિ તેજા વાસમ શેટ્ટી દ્વારાસામાન્ય પ્રજાના લોક માનસ ઉપર પોલીસની એક સારી છાપ પડે અને પોલીસ પ્રજાનો મિત્ર છેએ સૂત્ર સાર્થક બને તેવા પ્રજા કલ્યાણ તથા પ્રજા ઉપયોગી કાર્યવાહી કરવા જિલ્લાના તમામ પોલીસ અમલદારોને સૂચના કરવામાં આવેલ છે

જૂનાગઢ ડિવિઝનના ડીવાયએસપી પ્રદીપસિંહ જાડેજાના માર્ગદર્શન હેઠળ જૂનાગઢ ક્રાઇમ બ્રાન્ચની ટીમ દ્વારા અરજદારની રજુઆત આધારે સામાવાળા પણ જૂનાગઢમાં હોઈ, બંને પક્ષોને પોલીસની ભાષામાં સમજાવતા, બંને પક્ષોને રૂપિયા કરતાં પોતાના સંતાનોની જિંદગી કીમતી હોવાનું, હાલના બંને દીકરા દીકરીનો જીવનનો અમૂલ્ય સમય વેડફાતા હોવાનું, છોકરાઓના અપરિપક્વ નિર્ણય અને કજોડાથી દીકરા દીકરીની અમૂલ્ય જિંદગી બરબાદ થતું હોવાનું સમજાવી, બંને પક્ષોને નિર્ણય લેવાની સમજણઆપતા, બને કુટુંબને તથા દીકરા દીકરીને પોલીસની વાત ગળે ઉતરી હતી. જૂનાગઢ પોલીસ દ્વારા મધ્યસ્થી થઈને સમજાવતા, અરજદાર સિનિયર સિટીઝનના દીકરા અને કરોડપતિ શેઠની દીકરી, ખોટા નિર્ણય આધારે બે દિવસ પહેલા લગ્ન કર્યા હોય, રાજીખુશથી છુટ્ટા પડવાનું નક્કી કરી, છૂટાછેડા આપવા બને પક્ષો તૈયાર થઈ ગયેલ હતા. બને પક્ષો રાજીખુશથી છૂટા પડ્યા અંગેનુ અરજદાર તથા સાસરિયાં પક્ષે, નોટરી લખાણ પણ કરી દેવામાં આવેલ હતું. સામાવાળા પક્ષ પણ પોલીસની મધ્યસ્થી દ્વારા સાચી સમજણ આપતા, ખુશ થયો હતો. બંને પક્ષો દ્વારા દીકરા દીકરીને ખૂબ સમજાવ્યા બાદ નિવેડો નહિ આવેલ પ્રશ્નને જૂનાગઢ પોલીસ દ્વારા મધ્યસ્થી થઈને નિકાલ કરાવતા બને પક્ષો દ્વારા જૂનાગઢ પોલીસનો આભાર વ્યક્ત કર્યો હતો. જૂનાગઢ પોલીસ દ્વારા પણ પોતાની ફરજ ગણાવી, અરજદાર અને સામાવાળાને હવેથી તકેદારી રાખી, દીકરા દીકરી બને સુખી થાય તેવા પ્રયત્નો કરવા વિનંતી કરવામાં આવેલ* હતી. અરજદાર અને સામાવાળાને પોલીસનો આવો અનોખો અનુભવ અને પોતાના સંતાનોની જિંદગી બગડતી અટકાવવા મધ્યસ્થી કરી, સમજાવી, સંવેદના પૂર્ણ કાર્યવાહી કરતા, ખૂબ જ આનંદિત થઈ, અરજદાર સામાવાળા દ્વારા આનંદ વ્યક્ત કરી, જો પોલીસ દ્વારા કાર્યવાહી કરવામાં આવેલ ના હોત તો, પોતાના સંતાનોની જિંદગીના ઘણા વર્ષ હાથમાંથી જતા રહેત, એવી લાગણી વ્યક્ત કરી, કામ કરનાર જૂનાગઢ પોલીસ સ્ટાફનો વારંવાર આભાર વ્યક્ત કરતા હોય, ક્રાઇમ બ્રાન્ચ ઓફિસ ખાતે ભાવવાહી દ્રશ્યો સર્જાયા હતા

જૂનાગઢ જિલ્લાના પોલીસ અધિક્ષક શ્રી રવિ તેજા વાસમ શેટ્ટીની સૂચનાથી જૂનાગઢ પોલીસ દ્વારા સિનિયર સિટીઝન અરજદાર તથા સામાવાળાને સામજિક પ્રશ્નમાં મદદ કરી, સુખદ અંત લાવી, સુરક્ષા સાથે સેવાનું ઉત્તરદાયિત્વ નિભાવી, પોલીસ પ્રજાની મિત્ર છે એ સૂત્ર જૂનાગઢ જિલ્લા પોલીસએ ફરીવાર સાર્થક કર્યું હતું

રિપોર્ટ હરેશ મહેતા વિસાવદર

આ પ્રકારના તમામ સમાચાર માટેે App ડાઉનલોડ કરો.