કોલકાતા રેપ-મર્ડર કેસ, સુપ્રીમ કોર્ટે સુઓમોટો લીધો:20 ઓગસ્ટે CJIની બેન્ચમાં સુનાવણી; CBI ઘટના સ્થળનું 3D મેપિંગ કરશે, 9 દિવસથી દેશભરમાં ડોકટરો હડતાલ પર

સુપ્રીમ કોર્ટે રવિવારે (18 ઓગસ્ટ) કોલકાતામાં ટ્રેઇની ડોક્ટરની બળાત્કાર-હત્યા કેસનું જાતે સંજ્ઞાન લીધું છે. ચીફ જસ્ટિસ ડીવાય ચંદ્રચુડની બેંચ 20 ઓગસ્ટે સવારે 10.30 વાગ્યે આ કેસની સુનાવણી કરશે. CJI ઉપરાંત જસ્ટિસ જેબી પાદરીવાલા અને જસ્ટિસ મનોજ મિશ્રા બેન્ચમાં હશે. આ ઘટના સામે દેશભરમાં ડોક્ટરોના વિરોધનો આજે 9મો દિવસ છે. કેસની તપાસ કરી રહેલી સીબીઆઈએ કહ્યું કે આરોપી સંજયનો સાયકોલોજિકલ ટેસ્ટ કરવામાં આવી રહ્યો છે. સેન્ટ્રલ ફોરેન્સિક સાયન્સ લેબોરેટરી (CFSL)ના મનોવૈજ્ઞાનિકો અને વર્તણૂક વિશ્લેષકોની 5 સભ્યોની ટીમ આ પરીક્ષણ હાથ ધરશે. આ ટેસ્ટ પરથી ખબર પડી શકે છે કે જઘન્ય ગુના અંગે આરોપી સંજયની માનસિકતા કેવી હતી. કોલકાતા પોલીસે ભાજપના પૂર્વ સાંસદ લોકેટ ચેટર્જી વિરુદ્ધ કેસ નોંધ્યો છે અને સમન્સ જારી કર્યું છે. પોલીસે જણાવ્યું કે લોકેટે પ્રદર્શન દરમિયાન ટ્રેઇની ડૉક્ટરની ઓળખ જાહેર કરી હતી. તેમને 3 વાગ્યે પૂછપરછ માટે બોલાવવામાં આવ્યા છે. આ સિવાય કોલકાતા પોલીસે ટીએમસી સાંસદ સુખેન્દુ શેખરને પણ સમન્સ જારી કરીને સાંજે 4 વાગ્યે પૂછપરછ માટે બોલાવ્યા છે. તેમના પર કેસને લઈને અફવાઓ અને ફેક ન્યૂઝ ફેલાવવાનો આરોપ છે. વાસ્તવમાં, 9 ઓગસ્ટના રોજ કોલકાતાની આરજી કાર મેડિકલ કોલેજમાં ટ્રેઇની ડૉક્ટર સાથે બળાત્કાર અને હત્યા કરવામાં આવી હતી. આ જ હોસ્પિટલમાં 14 ઓગસ્ટની મોડી રાત્રે હિંસા થઈ હતી, ત્યારબાદ ડોક્ટરોએ તેમનો વિરોધ વધુ તેજ કર્યો હતો. દેશભરમાંથી પ્રદર્શનની તસવીરો... કેન્દ્રનો આદેશ- તમામ રાજ્યો દર 2 કલાકે કાયદો અને વ્યવસ્થાનો રિપોર્ટ આપશે
17 ઓગસ્ટની મોડી રાત્રે કેન્દ્ર સરકારે નવો આદેશ જારી કરીને કહ્યું- હવે તમામ રાજ્યો ફેક્સ, ઈ-મેલ અથવા વોટ્સએપ દ્વારા દર બે કલાકે ગૃહ મંત્રાલયના કંટ્રોલ રૂમને કાયદો અને વ્યવસ્થાની માહિતી આપશે. મેડિકલ કોલેજ પાસે કલમ 163 લાગુ
કોલકાતા પોલીસે આજથી (18 ઓગસ્ટ) આરજી કાર મેડિકલ કોલેજ અને હોસ્પિટલ નજીક ભારતીય ન્યાય સંહિતા (BNS) (CRPC ની અગાઉની કલમ 144)ની કલમ 163 લાગુ કરી છે. આ આદેશમાં કહેવામાં આવ્યું છે કે આગામી 7 દિવસ (24 ઓગસ્ટ) સુધી વિરોધ પ્રદર્શન પર પ્રતિબંધ રહેશે. 5થી વધુ લોકો એકઠા થવા, હથિયારો સાથે રાખવા અથવા તણાવ પેદા કરતી કોઈપણ પ્રવૃત્તિને મંજૂરી આપવામાં આવશે નહીં. નિર્ભયાની માતાએ કહ્યું- 2012થી કંઈ બદલાયું નથી
નિર્ભયાની માતાએ શનિવારે કહ્યું- 2012 પછી કંઈ બદલાયું નથી. મમતા પોતાના પદનો દુરુપયોગ કરી રહી છે. આ ઘટનાના દોષિતો સામે કાર્યવાહી કરવાને બદલે તેઓ આ મુદ્દા પરથી ધ્યાન હટાવવાનો પ્રયાસ કરી રહ્યા છે. મમતાએ પોતાના પદ પરથી રાજીનામું આપવું જોઈએ. જ્યાં સુધી કેન્દ્ર અને રાજ્ય સરકારો કોર્ટમાં અત્યાચાર ગુજારનારાઓને તાત્કાલિક સજા કરાવવા માટે ગંભીર નહીં થાય ત્યાં સુધી દેશમાં આવી ઘટનાઓ દિનપ્રતિદિન બનતી રહેશે.

આ પ્રકારના તમામ સમાચાર માટેે App ડાઉનલોડ કરો.