જામનગરના રામેશ્વર નગર વિસ્તારમાં યુવાન પર છરી બાજી: બે સામે ફરિયાદ

 જામનગર તા.10 ઓગષ્ટ 2022,બુધવારજામનગરના રામેશ્વર નગર વિસ્તારમાં રહેતા એક યુવાન પર સામાન્ય બાબતમાં ઝઘડો થયા પછી છરી વડે હુમલો કરાયો છે. જે મામલે બે શખ્સો સામે ફરિયાદ નોંધાવાઇ છે. આ ફરિયાદ અંગેના બનાવની વિગત એવી છે કે જામનગરમાં રામેશ્વર નગર વિસ્તારમાં રહેતા દિવ્યરાજસિંહ નવલસિંહ પરમાર નામના ૨૬ વર્ષના યુવાને પોતાના પર પડખાના ભાગે છરી વડે હુમલો કરી ઢીકાપાટુ નો માર મારવા અંગે રામેશ્વર નગર વિસ્તારમાં જ રહેતા બહાદુરસિંહ ઉર્ફે લાલિયો સાહેબજી જાડેજા તથા હરપાલસિંહ નવલસિંહ ઝાલા સામે ફરિયાદ નોંધાવી છે.ઇજાગ્રસ્ત યુવાનને લોહી નીતરતી હાલતમાં સારવાર માટે જામનગરની જી.જી. હોસ્પિટલમાં દાખલ કરાયો છે. ફરિયાદી અને આરોપી વચ્ચે સામાન્ય ઝઘડો થયો હતો, જેમાં આરોપીને સમજાવવા જતાં બંને શખ્સો ઉશ્કેરાયા હતા, અને આ હુમલો કરી દીધો હોવાનું પોલીસમાં જાહેર થયું છે. પોલીસ બન્ને આરોપીઓને શોધી રહી છે.

આ પ્રકારના તમામ સમાચાર માટેે App ડાઉનલોડ કરો.