ભવાનીનગરમાં કપડા સુકવતી વેળાએ બીજા માળેથી પટકાતા મહિલાનું મોત
આંબેડકરનગરમાં આવેલ ભવાનીનગરમાં કપડા સુકવતી વેળાએ બીજા માળેથી પટકાતા ઇલાબેન મકવાણા નામની મહિલાનું મોત નિપજતાં પરિવારમાં અરેરાટી વ્યાપી ગઈ હતી.
પ્રાપ્ત વિગત મુજબ, 150 ફૂટ રિંગરોડ પર આંબેડકરનગરમાં આવેલ ભવાનીનગરમાં રહેતાં ઇલાબેન ધીરૂભાઇ મકવાણા (ઉ.વ.60) આજે સવારે પોતાના ઘરે બીજા માળે કપડા સુકવતા હતાં ત્યારે કોઈ કારણસર પગ લપસતા નીચે પટકાયા હતાં. જેઓને માથાના ભાગે ગંભીર ઇજા પહોંચતા સારવારમાં પ્રથમ ખાનગી હોસ્પિટલમાં અને બાદ સિવિલ હોસ્પિટલમાં ખસેડવામાં આવ્યા હતાં. પરંતુ સારવાર કારગત ન નિવડતાં તેમનું મોત નીપજ્યું હતું.
બનાવ અંગે સિવિલ ચોકીના સ્ટાફે તાલુકા પોલીસને જાણ કરતાં સ્ટાફ દોડી આવ્યો હતો અને જરૂરી કાર્યવાહી કરી મૃતદેહને પીએમ અર્થે ખસેડયો હતો. વધુમાં મૃતકને સંતાનમાં એક પુત્ર-પુત્રી છે, તેઓનો પુત્ર ન્હાવા માટે ગયો ત્યારે ઘટના ઘટી હતી. બનાવથી પરિવારમાં શોકનું મોજું ફરી વળ્યું હતું.
9879405838
આ પ્રકારના તમામ સમાચાર માટેે
App ડાઉનલોડ કરો.