લુણાવાડા ખાતે મીડિયા કર્મીઓ માટે હેલ્થ સ્ક્રીનિંગનો કાર્યક્રમ યોજાયો

મહીસાગર જિલ્લાના લુણાવાડા ખાતે મીડિયા કર્મીઓ માટે હેલ્થ સ્ક્રીનિંગનો કાર્યક્રમ યોજવામાં આવ્યો હતો.વિકસિત ભારત વિકસિત ગુજરાત અંતર્ગત લોકશાહીના ચોથા સ્તંભને મજબૂત બનાવવાની મૂહિમ ગુજરાત સરકાર અને ઇન્ડિયન રેડ ક્રોસ સોસાયટી, ગુજરાતના સંયુક્ત ઉપક્રમે રાજ્યના તમામ મીડિયા કર્મીઓના હેલ્થ ચેક અપ‘“ ફીટ ઇન્ડિયા, ફિટ મીડિયા” કાર્યક્રમ અમદાવાદ ખાતેથી મુખ્યમંત્રી ભૂપેન્દ્રભાઈ પટેલ દ્વારા લોન્ચ કરવામાં આવ્યો છે. જે અંતર્ગત મહીસાગર જીલ્લામા પણ મીડિયાકર્મીઓ માટેનો હેલ્થ ચેક-અપ કેમ્પેઇન ઇન્ડિયન રેડ ક્રોસ સોસાયટી, ફિઝીઓથેરાપી સેન્ટર, સાઈ કોમ્પલેક્ષ, લુણાવાડા ખાતે ખાતે જીલ્લા માહિતી કચેરી, મહીસાગર સંયુક્ત ઉપક્રમે યોજાયો હતો.આ કેમ્પમાં કમ્પ્લીટ બ્લડ કાઉન્ટ અને બ્લડ ગ્રુપ, લીવર ફંક્શન, લિપિડ પ્રોફાઈલ, કિડની ફંકશન ટેસ્ટ, એસ. યુરિક એસિડ, કેલ્શિયમ, હોર્મોનલ ટેસ્ટ, વિટામીન બી- ૧૨, વિટામિન ડી, ડાયાબિટીક માર્કર, ૫૦ વર્ષથી ઉપરના પુરૂષો માટે પ્રોસ્ટેટ ટેસ્ટ, ૩૫ વર્ષથી મોટી ઉંમરના પુરૂષો માટે એક્સરે ચેસ્ટ તથા ઇસીજી વગેરેના પરીક્ષણ નિઃશુલ્ક કરવામાં આવ્યા હતા.

આ કાર્યક્રમમાં જીલ્લાના વિવિધ માધ્યમોના મિત્રોએ પોતાના આરોગ્યનું સ્ક્રીનીંગ કરાવીને કાર્યક્રમનો લાભ લીધો હતો. મિડિયા કર્મીઓના કુલ ૨૦ જેટલા ઈસીજી અને એક્સ- રે રિપોર્ટ તેમજ ૩૦ જેટલા બ્લડ ટેસ્ટના સેમ્પલ લેવામાં આવ્યા હતાં.આ પ્રસંગે લુણાવાડા રેડ ક્રોસ સોસાયટી ચેરમેન મનોજભાઈ પટેલ, રેડક્રોસ લુણાવાડા સેક્રેટરી સંજયભાઈ શાહ,રેડક્રોસ રાજ્ય શાખા અમદાવાદ તરફથી બ્લડ સેમ્પલ કલેક્શન માટે સંજયભાઈ વાળંદ, જયંતીભાઈ વાળંદ તથા એક્સ-રે ટેકનિશિયન જીતુભાઈ સુખડીયા અને ઈ.સી.જી ટેકનિશિયન શૈલેષભાઈ ચૌહાણએ સેવાઓ આપી હતી. તેમજ જીલ્લા માહિતી કચેરી, મહીસાગરના કર્મીઓ અને જીલ્લાના પત્રકાર મિત્રો ઉપસ્થિત રહ્યાં

આ પ્રકારના તમામ સમાચાર માટેે App ડાઉનલોડ કરો.