લીમડીયા વીરપુર હાઇવે પર દારૂના નશામાં કાર ચાલકે રોંગ સાઈડમાં જઈ બાઈકને અડફેટે લીધું, પતિનું મોત, પત્ની ગંભીર

મહીસાગર જીલ્લાના લીમડીયા વીરપુર હાઇવે પર દારૂના નશામાં બેદરકારી ભરી રીતે ડ્રાઇવિંગ કરતા કાર ચાલકે બાઇક સવાર પતિ-પત્નીને અડફેટે લીધા હતા. જેમાં પતિનું ઘટનાસ્થળે જ કમકમાટી ભર્યું મોત નિપજ્યું છે, જ્યારે પત્નીને ગંભીર ઇજાઓ પહોંચતા સારવાર માટે હોસ્પિટલમાં ખસેડવી પડી છે. જોકે અકસ્માત બાદ પણ કાર ચાલકે શર્ટના બટન ખોલીને દાદાગીરી કરતા લોકોએ મેથીપાક ચખાડ્યો હતો.આમ રોંગ સાઈડમાં કાર આવી અને બાઈકને અડફેટે લીધું મહીસાગર જિલ્લાના ધાવડીયા-ઓઢા વિરપુર ખાતે રહેતા નરેશભાઇ તથા તેમની પત્ની મીરા બેન વિરપુર રોડ ઉપર આવેલી દુકાનની સામેથી પસાર થતા હતા. તે સમયે એક કારે ટક્કર મારતા સ્થળ ઉપર નરેશભાઇનું મોત થયું હતું, જ્યારે તેમની પત્ની મીરા બેનને માથાના ભાગે તથા શરીરે, બન્ને પગે ગંભીર ઇજા પહોંચતા 108 મારફતે સી.એચ.સી. હોસ્પિટલ વિરપુર ખાતે લઇ જવામાં આવ્યા હતા. અકસ્માતની ઘટનાની ખબર પડતાં વિરપુર પોલીસ પણ સ્થળ ઉપર પહોંચી હતી.

રીપોટર.ભીખાભાઈ ખાંટ
મહીસાગર

આ પ્રકારના તમામ સમાચાર માટેે App ડાઉનલોડ કરો.