CBI કેસમાં કેજરીવાલની કસ્ટડી 11 સપ્ટેમ્બર સુધી લંબાવાઈ:રાઉઝ એવન્યુ કોર્ટે CBIની પૂરક ચાર્જશીટની નોંધ લીધી

​​​​​​દિલ્હીની રાઉઝ એવન્યુ કોર્ટે લીકર પોલિસી મામલામાં CBI કેસમાં સીએમ અરવિંદ કેજરીવાલની કસ્ટડી 11 સપ્ટેમ્બર સુધી લંબાવવામાં આવી છે. કોર્ટે CBIની પૂરક ચાર્જશીટની પણ નોંધ લીધી હતી. CBIએ અરવિંદ કેજરીવાલ, દુર્ગેશ પાઠક, વિનોદ ચૌહાણ, આશિષ માથુર, સરથ રેડ્ડી વિરુદ્ધ પૂરક ચાર્જશીટ રજુ કરી હતી. કોર્ટે આરોપીઓને જવાબ આપવા માટે 11 સપ્ટેમ્બર સુધીનો સમય આપ્યો છે. 27 ઓગસ્ટે કોર્ટે CBIની પૂરક ચાર્જશીટ પર પોતાનો નિર્ણય સુરક્ષિત રાખ્યો હતો. ત્યારબાદ કેજરીવાલ તિહાર જેલમાંથી વીડિયો કોન્ફરન્સિંગ દ્વારા કોર્ટમાં હાજર થયા હતા. CBIએ 14 દિવસની જ્યુડિશિયલ કસ્ટડીની માંગણી કરી હતી, પરંતુ કોર્ટે કસ્ટડી માત્ર એક સપ્તાહ માટે એટલે કે 3 સપ્ટેમ્બર સુધી લંબાવી હતી. CBIએ 26 જૂને કેજરીવાલની ધરપકડ કરી હતી
કેજરીવાલ વિરુદ્ધ લીકર પોલિસી કેસમાં ED અને CBI કેસ ચાલી રહ્યો છે. EDએ 21 માર્ચે કેજરીવાલની ધરપકડ કરી હતી. જોકે આ કેસમાં તેમને જામીન મળી ચૂક્યા છે. CBI કેસમાં તેઓ જેલમાં છે. CBIએ કેજરીવાલની 26 જૂને લીકર પોલિસી કેસમાં ભ્રષ્ટાચારના આરોપમાં ધરપકડ કરી હતી. કેજરીવાલને 12 જુલાઈએ ED કેસમાં સુપ્રીમ કોર્ટમાંથી જામીન મળ્યા હતા
સુપ્રીમ કોર્ટે 12 જુલાઈએ ઈડીએ મની લોન્ડરિંગ કેસમાં અરવિંદ કેજરીવાલને જામીન આપ્યા હતા. જામીન આપતા જસ્ટિસ સંજીવ ખન્નાએ કહ્યું હતું કે કેજરીવાલ 90 દિવસથી જેલમાં છે. તેથી તેમને મુક્ત કરવા નિર્દેશ આપીએ છીએ. અમે જાણીએ છીએ કે તેઓ ચૂંટાયેલા નેતા છે અને ​​​​​​​મુખ્યમંત્રી રહેવું છે કે નહીં તે તેમણે નક્કી કરવાનું છે. જસ્ટિસ ખન્નાએ કહ્યું હતું કે અમે આ કેસને મોટી બેંચમાં ટ્રાન્સફર કરી રહ્યા છીએ. ધરપકડની નીતિ શું છે, તેનો આધાર શું છે. આ માટે અમે આવા 3 પ્રશ્નો પણ તૈયાર કર્યા છે. જો મોટી બેંચ ઈચ્છે તો કેજરીવાલના વચગાળાના જામીન પર ફેરફાર કરી શકે છે. આ સમાચાર પણ વાંચો... કેજરીવાલની જામીન અરજી પર સુનાવણી 5 સપ્ટેમ્બર સુધી મુલતવી: CBIએ જવાબ દાખલ કરવા માટે સુપ્રીમ કોર્ટ પાસે સમય માંગ્યો સુપ્રીમ કોર્ટે દારૂ નીતિ કેસ સંબંધિત CBI કેસમાં સીએમ કેજરીવાલની જામીન અરજી પર સુનાવણી 5 સપ્ટેમ્બર સુધી ટાળી હતી. કોર્ટે 14 ઓગસ્ટે થયેલી સુનાવણીમાં તપાસ એજન્સી પાસેથી જવાબ માંગ્યો હતો. માલીવાલ હુમલા કેસમાં કેજરીવાલના પીએ બિભવને જામીન મળ્યા: સુપ્રીમ કોર્ટે કહ્યું - ઇજાઓ સામાન્ય હતી, આરોપી જામીનને પાત્ર છે; શરત- સીએમ ઓફિસ નહીં જાય સુપ્રીમ કોર્ટે સોમવારે દિલ્હીના મુખ્યમંત્રી અરવિંદ કેજરીવાલના પૂર્વ પીએ બિભવ કુમારને જામીન આપ્યા છે. બિભવ પર આમ આદમી પાર્ટી (AAP)ના રાજ્યસભા સાંસદ સ્વાતિ માલીવાલ પર હુમલો કરવાનો આરોપ છે. કોર્ટે કહ્યું કે માલીવાલને જે ઈજાઓ થઈ છે તે સામાન્ય છે. આ કેસમાં જામીન આપવા જોઈએ. આવા કેસમાં તમે કોઈ વ્યક્તિને જેલમાં ન રાખી શકો.

આ પ્રકારના તમામ સમાચાર માટેે App ડાઉનલોડ કરો.