કેજરીવાલને પસંદ નહોતી ગેહલોતની LG સાથેની મિત્રતા:પહેલા વાંધો ઉઠાવ્યો, પછી સાઇડ લાઇન કર્યા; પૂર્વ મંત્રીની AAP છોડવાની ઇનસાઇડ સ્ટોરી

કૈલાસ ગેહલોતે રવિવારે આમ આદમી પાર્ટીમાંથી રાજીનામું આપી દીધું હતું અને સોમવારે ભાજપમાં જોડાયા હતા. તેમણે પાર્ટી સામે ભ્રષ્ટાચારના આરોપો અને સીએમ આવાસ 'શીશમહલ' પર ખર્ચવામાં આવેલાં સરકારી નાણાંને કારણે ઉદ્ભવતા વિવાદને આનું કારણ આપ્યું હતું. AAP સૂત્રોના જણાવ્યા અનુસાર, કૈલાસના રાજીનામાનું કારણ એલજી વીકે સક્સેના સાથેની તેમની વધતી મિત્રતા હતી. સૂત્રોના જણાવ્યા અનુસાર, આ રાજીનામું એવા સમયે લેવામાં આવ્યું છે જ્યારે ગેહલોત અને દિલ્હીના એલજી વીકે સક્સેના વચ્ચેની મિત્રતા AAPને પરેશાન કરવા લાગી હતી. જ્યારે પણ કેજરીવાલની સરકાર એલજી પર કોઈપણ યોજના બંધ કરવાનો આરોપ લગાવતી હતી ત્યારે ગેહલોતનો પક્ષ પાર્ટીની જગ્યાએ રાજ્યપાલ સાથે વધુ જોવા મળ્યો હતો. કેજરીવાલે આ મિત્રતા વિશે ઘણી વખત મિટિંગમાં ગેહલોતને ટોણો પણ માર્યો હતો, પરંતુ ગેહલોતે ક્યારેય આ આરોપનો જવાબ આપ્યો નહોતો. દિલ્હીના એલજી ગેહલોત અને કેજરીવાલ વચ્ચે કાંટાની જેમ ચૂભતા રહ્યા. મનીષ સિસોદિયા જેલમાં ગયા પછી કેજરીવાલે ગેહલોત પર વિશ્વાસ ન બતાવ્યો અને આતિશીને પોતાનો જમણો હાથ બનાવ્યો. અહીંથી કેજરીવાલ અને ગેહલોત વચ્ચે એકબીજાને ધક્કો મારવાની રમત શરૂ થઈ. જે પરિસ્થિતિ સર્જાઈ એમાં એલજીએ ગેહલોતને ભાજપમાં લાવવામાં મોટી ભૂમિકા ભજવી હતી. ગેહલોતના રાજીનામા પાછળની કહાની 6 મુદ્દામાં સમજો... ભાજપમાં ગેહલોતનું શું કામ હશે?
આવતા વર્ષે દિલ્હીમાં વિધાનસભાની ચૂંટણી છે. આવી સ્થિતિમાં ગેહલોત ભાજપના મોટા સ્ટાર બની જશે. જોકે હજુ સુધી એ સ્પષ્ટ નથી થયું કે ભાજપ તેમને કયું પદ આપશે, પરંતુ એ નિશ્ચિત છે કે ગેહલોત દિલ્હીમાં મોટો ચહેરો બનશે. તેમને આમ આદમી પાર્ટી વિરુદ્ધ ખુલ્લું અભિયાન ચલાવવાની જવાબદારી આપવામાં આવશે. ગેહલોતની એન્ટ્રી બાદ દિલ્હીમાં વિરોધપ્રદર્શનની તૈયારી
ગેહલોત દિલ્હી સરકારમાં પરિવહનમંત્રી હતા. ભાજપમાં જોડાતાંની સાથે જ બસ સ્ટેશનો પર વિરોધપ્રદર્શનની તૈયારીઓ શરૂ થઈ ગઈ છે. DTC બસોના કર્મચારી યુનિયનના એક નેતાએ કહ્યું- સરોજિનીનગર બસ સ્ટેન્ડ પર મહિલા કર્મચારીઓની હડતાળ શરૂ થઈ ગઈ છે. તેમણે વધુમાં કહ્યું હતું કે આ એવી મહિલાઓ છે, જેમને ડ્રાઈવર અને કંડક્ટર બનવાનું વચન આપવામાં આવ્યું હતું, પરંતુ તેમને પુરુષો સમાન વેતન આપવામાં આવ્યું ન હતું. મહિલાઓ અને પુરુષોના પગારમાં 12-13 હજાર રૂપિયાનો તફાવત છે. ગેહલોત કેજરીવાલની યોજના પર પ્રહાર કરશે
ગેહલોતના રાજીનામા બાદ ડીટીસી કર્મચારીઓ દ્વારા વિરોધ શરૂ થયો છે, જેમાં ખુદ ગેહલોત, ભાજપના નેતાઓ અને કાર્યકરો ભાગ લેશે. બીજેપી સૂત્રોના જણાવ્યા અનુસાર, અહીંથી આમ આદમી પાર્ટીનો પર્દાફાશ શરૂ થશે. ગેહલોત AAPની યોજનાઓમાં થઈ રહેલાં કૌભાંડોનો પર્દાફાશ કરશે. ગત લોકસભા ચૂંટણીમાં કેજરીવાલે દિલ્હીની મહિલાઓને દર મહિને એક હજાર રૂપિયા આપવાનું વચન આપ્યું હતું. આગામી વિધાનસભાની ચૂંટણીમાં પણ આ જ વચનનું પુનરાવર્તન કરવાની તૈયારીઓ ચાલી રહી છે. કેજરીવાલ મહિલાઓ માટે ફ્રી બસ મુસાફરીની સ્કીમ લાવ્યા છે. આવી સ્થિતિમાં ગેહલોત કેજરીવાલની છબિને ઓછી કરવાનો પ્રયાસ કરશે એવી અટકળો ચાલી રહી છે. ગેહલોત જ નહીં, પૂર્વ AAP નેતાઓ પણ કેજરીવાલની મુશ્કેલીમાં વધારો કરશે
ભાજપનાં સૂત્રોના જણાવ્યા અનુસાર, આગામી વિધાનસભા ચૂંટણી માટે એક ટીમ બનાવવામાં આવશે, જેનું નેતૃત્વ ગેહલોત કરશે. એમાં AAPમાંથી ભાજપમાં સામેલ થનારા નેતાઓનો સમાવેશ થશે, જેમાં રાજકુમાર આનંદ, રત્નેશ ગુપ્તા જેવાં નામો છે. આ ટીમ ચૂંટણી મંચ પર AAPની અંદરની વાતો જણાવશે. દિલ્હીના પરિવહનમંત્રી કૈલાસ ગેહલોતે AAP છોડી: કેજરીવાલને લખ્યું- પાર્ટીએ કેન્દ્ર સાથેની લડાઈમાં સમય વેડફ્યો દિલ્હી સરકારના પરિવહનમંત્રી કૈલાસ ગેહલોતે પદ અને પાર્ટીમાંથી રાજીનામું આપી દીધું છે. ગેહલોતે 17 નવેમ્બરની સવારે AAPના રાષ્ટ્રીય સંયોજક અરવિંદ કેજરીવાલને પત્ર લખીને રાજીનામાની જાહેરાત કરી હતી. ગેહલોતે કેજરીવાલને લખેલા પત્રમાં યમુનાની સફાઈના મુદ્દે AAPની ટીકા કરી હતી. સંપૂર્ણ સમાચાર વાંચો...

આ પ્રકારના તમામ સમાચાર માટેે App ડાઉનલોડ કરો.