‘કહોને તમે લગ્ન ક્યારે કરશો?’:કાશ્મીરી વિદ્યાર્થિનીના સવાલ પર રાહુલ ગાંધીનો જવાબ- કોઈ પ્લાનિંગ નથી, થાય તો ઠીક

કોંગ્રેસ સાંસદ રાહુલ ગાંધી 21 ઓગસ્ટે જમ્મુ-કાશ્મીર પહોંચ્યા હતા. અહીં તેઓ પાર્ટીના કાર્યકરોને મળ્યા હતા. કાશ્મીરની કેટલીક યુવા વિદ્યાર્થિનીઓ સાથે પણ વાત કરી. હવે રાહુલે તેનો વીડિયો સોશિયલ મીડિયા X પર પોસ્ટ કર્યો છે. વીડિયોમાં રાહુલ કાશ્મીરની વિદ્યાર્થિનીઓ સાથે લગભગ 10 મિનિટ વાત કરે છે. આ દરમિયાન એક વિદ્યાર્થિનીએ તેમને લગ્ન સંબંધિત પ્રશ્ન પૂછ્યો. વિદ્યાર્થિનીએ પૂછ્યું કે, રાહુલ જી, તમે ક્યારે લગ્ન કરશો? રાહુલે કહ્યું- અત્યારે કોઈ પ્લાનિંગ નથી. થાય તો ઠીક. હું હવે છેલ્લા 20-30 વર્ષથી આ દબાણ (લગ્ન કરવા)માંથી બહાર આવ્યો છું. કાશ્મીરી વિદ્યાર્થિનીઓ સાથે રાહુલની મુલાકાતની 3 તસવીરો... હવે રાહુલની વાતચીત ક્રમશઃ વાંચો...
રાહુલ: હેલ્લો, કેમ છો? ​​​​​વિદ્યાર્થિનીઓ: તમને મળીને આનંદ થયો. આ એક સ્વપ્ન સાકાર થવા જેવું છે. રાહુલ: મને હંમેશા કાશ્મીરની મુલાકાત લેવી ગમે છે. કેમ છો બધા? વિદ્યાર્થિનીઓ: અમે ઠીક છીએ. સર, તમને કાશ્મીર વિશે સૌથી વધુ શું ગમે છે? રાહુલ: મને લોકો સાથેનો સંબંધ સૌથી વધુ ગમે છે. મને આ જગ્યા હંમેશા ગમે છે. અહીં લોકોને ભારે મુશ્કેલીથી જીવવું પડે છે. જો હું તેમના માટે થોડું પણ કરી શકું તો હું તે કરવાનો પ્રયાસ કરું છું. અહીંના સંજોગો તમારી યોજનાઓને કેવી રીતે અવરોધે છે? વિદ્યાર્થિની: હું અહીં મારો અભ્યાસ ચાલુ રાખવા માંગતી ન હતી, કારણ કે હું અહીં ખૂબ જ હતાશ અનુભવું છું. હું બહાર જવા માંગતી હતી, પરંતુ મારા માતા-પિતાએ મને જવા દીધી ન હતી. પણ મારે પોલિટિકલ સાયન્સ કરવું હતું. રાહુલ: તમે જાણો છો, પોલિટિકલ સાયન્સ વિશે મારો અનુભવ એ છે કે તમને જે શીખવવામાં આવે છે તેનો વાસ્તવિક રાજકારણ સાથે કોઈ સંબંધ નથી. વિદ્યાર્થિની: શું તમે આંતરરાષ્ટ્રીય સંબંધોનો પણ અભ્યાસ કર્યો છે? રાહુલ: હા, હાર્વર્ડ યુનિવર્સિટીમાંથી. તે પછી પિતાનું અવસાન થયું તેથી મારે રોલિન્સ કોલેજમાં જવું પડ્યું. પછી ત્યાંથી કેમ્બ્રિજ યુનિવર્સિટી ગયા. વિદ્યાર્થિની: નાનપણથી જ તમે રાજકારણી બનવા માંગતા હતા કે બીજું કંઈક? રાહુલ: જ્યારે હું નાનો હતો ત્યારે મેં આ વિશે વિચાર્યું ન હતું, પરંતુ પિતાના મૃત્યુ પછી મને લાગ્યું કે તે જે કરવા માગે છે તે કરતા કોઈ તેને રોકી રહ્યું છે. હું જે પણ કરું છું તેમાં ખુશી શોધવાનો પ્રયત્ન કરું છું. વિદ્યાર્થિનીઓ: આપણે પણ કંઈક આવું જ કરવા માંગીએ છીએ, પરંતુ આપણે કેટલીક સમસ્યાઓનો સામનો કરીએ છીએ. જેમ કે આપણે અહીં સાક્ષરતા દર ઓછો છે. અમારો રોજગાર દર ઓછો છે. ખાસ કરીને જો આપણે મહિલાઓની વાત કરીએ તો મને કાશ્મીરમાં ભૌતિકશાસ્ત્રની માત્ર એક મહિલા પ્રોફેસર દેખાય છે. વિદ્યાર્થિનીઓ: શું તમે લગ્ન વિશે વિચારી રહ્યા છો? રાહુલઃ હું 20-30 વર્ષથી તે દબાણમાંથી બહાર આવ્યો છું. અત્યારે કોઈ પ્લાનિંગ નથી. થાય તો ઠીક. વિદ્યાર્થિની: હું 21 વર્ષની છું, હું પણ લગ્ન કરવા નથી માીગતી. તે તદ્દન ડરામણું હોય છે. રાહુલ: કેમ? વિદ્યાર્થિની: લગ્નમાં તમે ચારે બાજુથી ઘેરાયેલા રહો છો. મેં જોયું છે કે કાશ્મીરમાં છૂટાછેડાનું પ્રમાણ ઘણું વધી રહ્યું છે. તો જ્યાં સુધી યોગ્ય વ્યક્તિ ન મળે ત્યાં સુધી લગ્ન શા માટે કરવા? રાહુલના લગ્નની એક વર્ષમાં ત્રીજી વખત ચર્ચા થઈ
છેલ્લા એક વર્ષમાં આ ત્રીજી વખત છે જ્યારે રાહુલ ગાંધીના લગ્નને લઈને ચર્ચા થઈ રહી છે. ત્રણ મહિના પહેલા યુપીના રાયબરેલીમાં એક જાહેર સભામાં તેમને લગ્ન પર સવાલ કરવામાં આવ્યા હતા. ગયા વર્ષે જૂનમાં લાલુ યાદવે પણ રાહુલને જલ્દી લગ્ન કરવાનું કહ્યું હતું. મે 2024: રાહુલ ગાંધીએ કહ્યું- હવે હું જલ્દી લગ્ન કરીશ, રાયબરેલીમાં એક છોકરીએ આ સવાલ પૂછ્યો હતો રાહુલ ગાંધી લોકસભા ચૂંટણી પ્રચાર દરમિયાન યુપીના રાયબરેલી પહોંચ્યા હતા. જાહેર સભા દરમિયાન ભીડમાંથી એક છોકરીએ પૂછ્યું કે, રાહુલ જી, તમે ક્યારે લગ્ન કરી રહ્યા છો? રાહુલે પ્રશ્નની અવગણના કરી. તો પ્રિયંકાએ હસીને તેનો હાથ પકડીને કહ્યું કે, પહેલા તેનો જવાબ આપો. રાહુલે માઈક હાથમાં લીધું અને કહ્યું, શું સવાલ છે? યુવતીએ ફરીથી લગ્ન વિશે પ્રશ્નો પૂછ્યા. આના પર રાહુલે કહ્યું- હવે હું જલ્દી લગ્ન કરીશ. જૂન 2023: લાલુ યાદવે રાહુલને કહ્યું- મહાત્માજી, હવે લગ્ન કરોઃ અમે લગ્નના વરઘોડામાં જઈશું ગયા વર્ષે જૂનમાં ઈન્ડિયા બ્લોકની બેઠકમાં લાલુ યાદવે રાહુલ ગાંધીને કહ્યું હતું કે, મહાત્માજી, કૃપા કરીને લગ્ન કરો. દાઢી વધારીને તમે ક્યાં ફરો છે? અમારી વાત સાંભળો અને લગ્ન કરો. મમ્મી કહેતી હતી કે તે મારી વાત નથી સાંભળતો, તમે લોકો લગ્ન કરાવી લો. રાહુલે તેમની વચ્ચે કહ્યું, તમે કહેશો તો થઈ જશે. તેના પર લાલુએ કહ્યું, આપણે ખાતરી કરવી પડશે. હજુ સમય વીત્યો નથી. લગ્ન કરો અને અમે લોકો વરઘોડામાં જઈશું.

આ પ્રકારના તમામ સમાચાર માટેે App ડાઉનલોડ કરો.