હૈદરાબાદના વેપારીની રૃા.૧લાખના મુદ્દામાલ સાથેની ટ્રોલી બેગ ચોરાઇ

અમદાવાદ,સોમવારઅમદાવાદ કાલુપુર રેલવે સ્ટેશને હૈદરાબાદના વેપારીની ટ્રોલી બેગ ચોરાઇ હતી જેમાં રૃા. ૮૦ હજારાના સોનાનું મંગળસૂત્ર સહિતની મત્તા હતી. આ બનાવ અંગે કાલુપુર રેલવે પોલીસે ચોરીનો ગુનો નોંધી વધુ તપાસ હાથ ધરી છે.વેપારીએ બેગ સીટ નીચે મૂકી હતી ઃ બેગમાં રૃા. ૮૦,૦૦૦નું મંગળસૂત્ર સહિતની મત્તા હતીઆ કેસની વિગત એવી છે કે મૂળ રાજસ્થાનના વતની અને હાલ હૈદરાબાદમાં ફીલખાના બેગમ બજાર નામ પલ્લી ખાતે રહેતા અને હૈદરાબાદમાં હોમ એપ્લાયન્સનો વેપાર કરતા જગદીશભાઇ ખીમારાજા માલીએ કાલુપુર રેલવે સ્ટેશન પોલીસ સ્ટેશનમાં ફરિયાદ નોંધાવી છે કે તેઓ પરિવાર સાથે તા.૨૫ના રોજ મોમલસર રેલવે સ્ટેેશનથી દાદર એક્સે ટ્રેનમાં બેસીને દાદર જતા હતા. ટ્રોલી બેગ સહિતનો સમાન સીટ નીચે મૂકીને સૂતા હતા જ્યાં  તા. ૨૬ના રોજ વહેલી સવારે અમદાવાદ કાલુપુર રેલવે સ્ટેશને જાગીને તપાસ કરતાં તેમની ટ્રોલી બેગ ચોરાઇ હોવાની જાણ થઇ હતી. બેગમાં બે તોલા સોનાનું રૃા. ૮૦, હજારનું મંગળસૂત્ર અને મોબાઇલ સહિત કુલ રૃપિયા એક લાખની મત્તા હતી. વેપારીએ કાલુપુર રેલવે સ્ટેશને ફરિયાદ નોધાવતાં પોલીસે સીસીટીવી ફૂટેજ આધારે વધુ તપાસ હાથ ધરી છે.

આ પ્રકારના તમામ સમાચાર માટેે App ડાઉનલોડ કરો.