મનપા દ્વારા મહિના પૂર્વે શરૂ કરાયેલી ‘રાજકોટ દર્શન’ બસને ઠંડો પ્રતિસાદ, બે દિવસમાં ફક્ત 29 મુસાફરો બેઠા

મનપા દ્વારા ગત મહિને શરૂ કરવામાં આવેલી રાજકોટ દર્શન બસને પ્રથમ બે દિવસ લોકોમાંથી સારો પ્રતિસાદ મળ્યા બાદ બે સપ્તાહથી આ સંખ્યા ઘટી રહી છે. તેમાં પણ છેલ્લા શનિ-રવિ બે દિવસમાં માત્ર 29 લોકો જ આ બસમાં રાજકોટ દર્શન કરવા નીકળ્યા હતા. શરૂઆતમાં રાજકોટ દર્શન બસ માટે એક એક્સ્ટ્રા બસ મૂકવી પડી હતી. બાદમાં ધીમે-ધીમે આ બસનો ક્રેઝ ઘટ્યો છે. તારીખ 7 ઓક્ટોબરે માત્ર 8 લોકો રાજકોટ દર્શન બસમાં ફર્યા હતા. તો ગઈકાલે રવિવારે પણ માત્ર 21 મુસાફરે ટીકીટ કપાવી જુદાં જુદાં ફરવાના સ્થળની વિઝીટ કરી હતી. આમ બે દિવસમાં કુલ 29 મુસાફરો નોંધાયા હતા.

આ પ્રકારના તમામ સમાચાર માટેે App ડાઉનલોડ કરો.