વેસ્ટર્ન રેલવેના જનરલ મેનેજરે ભાવનગર ડિવિઝનના પોઈન્ટ્સમેનને રેલવે સંરક્ષામાં ઉત્કૃષ્ટ કામગીરી બદલ સન્માનિત કર્યા

વેસ્ટર્ન રેલવે ભાવનગર ડિવિઝનના પોઈન્ટ્સમેન (જાલિયા) રવિકાંત તનવાલને મે-2024 માટે વેસ્ટર્ન રેલવેના જનરલ મેનેજર અશોક કુમાર મિશ્ર દ્વારા સલામતી ક્ષેત્રે ઉત્કૃષ્ટ કામગીરી બદલ “મેન ઓફ ધ મંથ” એવોર્ડથી સન્માનિત કરવામાં આવ્યા છે. એવોર્ડ સમારોહ 25 જૂન, 2024 (મંગળવાર) ના રોજ પશ્ચિમ રેલવે મુખ્યાલય, ચર્ચગેટ ખાતે યોજાયો હતો.ભાવનગર ડિવિઝનના સીનીયર ડીસીએમ માશૂક અહમદના જણાવ્યા મુજબ, પશ્ચિમ રેલવેના જનરલ મેનેજર અશોક કુમાર મિશ્રએ ભાવનગર ડિવિઝનના પોઈન્ટ્સમેન (જાલિયા) રવિકાંત તનવાલને મેડલ અને પ્રમાણપત્ર આપીને સન્માનિત કર્યા હતા. ડિવિઝનલ રેલ્વે મેનેજર રવીશ કુમારે ઉપરોક્ત કર્મચારીને જીએમ એવોર્ડ મેળવવા બદલ અભિનંદન પાઠવ્યા હતા અને તેમની પ્રશંસા કરી હતી અને ભવિષ્યમાં પણ ઉત્કૃષ્ટ કાર્ય કરતા રહેવા પ્રોત્સાહિત કર્યા હતા.

આ પ્રકારના તમામ સમાચાર માટેે App ડાઉનલોડ કરો.