રાજકોટના પટોળાના વેપારી સાથે હૈદ્રાબાદના ગઠિયાની રૂ.2.17 લાખની ઠગાઈ

નાનામવામાં અંબીકા ટાઉનશીપ પાસેના શુભ આર્કેડમાં રહેતા અને ગજાનંદ સિલ્ક નામનની પેઢી ધરાવતા ધર્મેશ કમલેશભાઈ પાલા (ઉ.વ.23) પાસેથી હૈદરાબાદના વેપારી વિકાસ અગ્રવાલે રૂા. 2.17 લાખની કિંમતના પટોળા અને દુપટ્ટા મંગાવી પેમેન્ટ બાબતે હાથ ઉંચા કરી દેતા રાજકોટ તાલુકા પોલીસમાં ફરિયાદ નોંધાવી છે.
ધર્મેશભાઇએ ફરિયાદમાં જણાવ્યું હતું કે,મારા બનેવી રાજેશભાઈ ભીખાભાઇ હીંગરાજીયો ના નામે ગજાનંદ સીલ્ક નામની પેઢી છે.જેમાં પટોડા સાડી લે વેચનુ કામ કરીએ છીએ. ગઇ તા.25/08/22 ના રોજ મને મારા મોબાઇલ પર હૈદરાબાદના વિકાસકુમાર અગ્રવાલનો ફોન આવેલ અને મને કહ્યું કે હુ હેદરાબાદમાં વિનાયક સીલ્ક નામની સાડી ની દુકાન ધરાવુ છુ.હું પટોળા સાડી પણ વહેંચુ છુ.મારી પાસે થી સાડી ખરીદવાની વાત કરી જેથી મે તેને જેતે વખતે 12 ટકા ડીસ્કાઉન્ટ ની વાત થયેલ તેમજ એક મહીનામાં મોકલેલ માલ ના પૈસા ચુકવી દેવાની વાત થઈ હતી.
આ વિકાસકુમાર અગ્રવાલે ગઇ તા.29/08/2022 ના રોજ કુલ 15 પટોળા સાડી જેમા 9500 ના ભાવ ની 3 તથા 10,500 ના ભાવ ની 6 તથા 11,500 ના ભાવની 5 તથા 12,500 ના ભાવ ની 1 એમ કુલ 15 સાડી નો ઓર્ડર આપેલ જેની કિ.રૂ. 1,61,500 થઈ હતી.જેના પર 12 ટકા ડીસ્કાઉન્ટ બાદ કર્યા પછી પાંચ ટકા જી.એસ.ટી. ઉમેરતા કુલ રૂ.1.49 લાખ નું અમારી પેઢીનું બીલ બનાવેલ અને 15 સાડી ને પેક કરી રાખી હતી.ત્યારે ફ રી આ વિકાસકુમારે 9,240 ના ભાવની 01 સાડી તથા 4000 ના ભાવ નો દુપટા નંગ -04નો બીજો ઓર્ડર આપ્યો હતો.જેની કિ.રૂ.25,240 થઈ હતી.જેમા મને ડીસ્કાઉન્ટ પોસાય તેમ ન હોય જેથી ડીસ્કાઉન્ટ આપ્યું નહી અને જી.એસ. ટી ઉમેરતા કુલ 26,502 નુ અમારી પેઢીનું બીલ બનાવી સામાનનું કુરીયર મેટોડાની અંજની કુરીયર સર્વીસ પ્રા.લીમેટેડ મેટોડા જી.આઇ.ડી.સી.થી વિકાસકુમાર ને મોકલી આપ્યું હતું.
જે પાર્શલ વિકાસકુમારને ત્રણ દિવસે મળી ગયું હતું.જે બાબતે મારે વાત થઈ હતી.બાદ ગઇ તા.08/09/2022 ના રોજ મને વિકાસકુમારનો ફોન આવેલ અને મને 10,500ના ભાવની 02 સાડી તથા 11,500 ભાવની 01 સાડી તથા 12,500/ ના ભાવ ની 01 સાડી નો ઓર્ડર આ પેલ જે ડીસ્કાઉન્ટ બાદ કરતા તેમજ જી.એસ.ટી. ઉમેર્યા બાદ કુલ બીલ રૂ.41,580 થયેલ જે ઓર્ડર મુજબ નો સામાન મે અંજની કુરીયર મારફતે હૈદરાબાદ મોકલી આપ્યો હતો. આમ વિકાસે નાણાં નહીં ચૂકવી રૂ.2.17 લાખની છેતરપિંડી કરતા ફરિયાદ નોંધાવી હતી.
9879405838

આ પ્રકારના તમામ સમાચાર માટેે App ડાઉનલોડ કરો.