ત્રણ ચોરાઉ મોબાઇલ સાથે ત્રણ શખ્સો ઝબ્બે

શહેરમાં મોબાઇલ ચોરીની ઘટનાઓ વધતા રહે પોલીસ કાર્યવાહીમાં લાગી છે. ત્રણ ચોરાઉ ફોન સાથે ત્રણ આરોપીઓને ઝડપી લેવાયા છે. આ અંગે મળતી વિગત મુજબ એસઓજીના હેડ કોન્સ્ટેબલ ઇન્દ્રસિંહ જાડેજા, દિગ્વિજયસિંહ ગોહિલ, ફીરોઝભાઇ રાઠોડ, કોન્સ્ટેબલ હાર્દિકસિંહ પરમારે બાતમીના આધારે સંત કબીર રોડ પરની શાકભાજી માર્કેટમાંથી ફોન ચોરી કરનાર હિરા વલ્લભ મકવાણા (ઉ.વ.33, રહે. રંગીલા સોસાયટી, નદી સામે કુવાડવા રોડ)ને કુવાડવા રોડ જુના પોલીસ સ્ટેશન ખાતે એક હોટેલેથી દબોચી થોરાળા પોલીસને સોંપી દીધો હતો.
એસઓજીના હેડ કોન્સ્ટેબલ રણછોડભાઇ આલ, અજયભાઇ ચૌહાણ, વિજયસિંહ જાડેજાએ માલવીયાનગર પોલીસ મથક વિસ્તારમાંથી મોબાઇલ ચોરી કરનાર વૈભવ નરેશ પરમાર (ઉ.વ.રર, રહે. રૈયા ગામ, સરકારી શાળાની સામે)ને હનુમાન મઢી ચોકમાંથી પકડી મોબાઇલ કબ્જે કર્યો હતો.
ક્રાઇમ બ્રાંચના પીએસઆઇ એન.ડી.ડામોર, એએસઆઇ સુરેશભાઇ જોગરાણા, એએસઆઇ ધર્મેન્દ્રસિંહ ઝાલા, જયદેવસિંહ પરમારે ગંજીવાડામાં શેરી નં. 46માં રહેતા પ્રકાશ સોમાભાઇ પરમાર (ઉ.વ.3ર)ને ચોરાઉ ફોન સાથે જડપી પ્ર.નગર પોલીસ મથકે નોંધાયેલ મોબાઇલ ચોરીના ગુનાનો ભેદ ઉકેલ્યો હતો.
9879405838

આ પ્રકારના તમામ સમાચાર માટેે App ડાઉનલોડ કરો.