વિંછીયાના ભડલી પાસે બાઇક પરથી પડી જતા વૃધ્ધા જેમાબેનનું મોત

હાથસણીના વૃધ્ધા આંબરડી લાડવાના પ્રસંગમાં જતા'તાઃ પરિવારમાં શોક

જસદણના ભડલી ગામ પાસે બાઇક પાછળથી પડી જતા હાથસળીના વૃધ્ધાનું સારવાર દરમ્યાન રાજકોટની સિવિલ હોસ્પિટલમાં મોત નિપજયું હતું.

મળતી વિગત મુજબ વિંછીયાના હાથસણી ગામમાં રહેતા જેમાબેન ભીખાભાઇ વકાતર (ઉ.વ.૬૫) બે દિવસ પહેલા બાઇક પાછળ બેસીને આંબરડી ગામે લાડવાના પ્રસંગમાં જતા હતા ત્યારે જસદણના ભડલી ગામ પાસે બાઇક પરથી પડી જતા તેને માથા તથા શરીરે ઇજા થતા જસદણ, ગોંડલ બાદ વધુ સારવાર માટે રાજકોટની સિવિલ હોસ્પિટલમાં ખસેડાયા હતા ત્યાં તેનું સારવાર દરમ્યાન મોત નિપજયું હતું. મૃતક જેમાબેનને સંતાનમાં બે પુત્ર અને બે પુત્રી છે. આ બનાવ અંગે જસદણ પોલીસે તપાસ હાથ ધરી છે.

છાતીમાં દુઃખાવો ઉપડતા વૃધ્ધનું મોત

બેડલા ગામમાં રહેતા શામજીભાઇ સવશીભાઇ જીંજરીયા (ઉ.વ. ૬૫) ગઇકાલે પોતાના ઘરે હતા ત્યારે તેને અચાનક છાતીમાં દુઃખાવો ઉપડતા સારવાર માટે ખાનગી હોસ્પિટલમાં ખસેડાયા હતા ત્યાં તેનું સારવાર દરમ્યાન મોત નિપજયું હતું. આ અંગે એરપોર્ટ પોલીસે કાર્યવાહી કરી હતી.

આ પ્રકારના તમામ સમાચાર માટેે App ડાઉનલોડ કરો.