વધુ 16 મિલ્કત સીલ : રેસકોર્ષ રોડ સહિતની 45 મિલ્કતને જપ્તી નોટીસ

મ્યુનિ. કોર્પોરેશન વેરા શાખાએ આજે વધુ 16 મિલ્કતો સીલ કરી, 45ને ટાંચ જપ્તી નોટીસ ફટકારી છે. તો આજે 57.77 લાખની વેરાની આવક નોંધાઇ હતી. વોર્ડ નં.2માં રેસકોર્ષ રીંગ રોડ પર 7 મિલ્કતને ટાંચ જપ્તીની નોટીસ અપાઇ હતી. ગીરનાર સિનેમા પાસે સીલની કાર્યવાહી કરાતા 6.15 લાખની રીકવરી કરાઇ હતી.
વોર્ડ નં.1 ઘંટેશ્વરમાં 4, વોર્ડ નં.3ના માધાપરમાં 6, દરબારગઢમાં એક, વોર્ડ નં.9ના નવા 150 ફુટ રીંગ રોડ પર એક, વોર્ડ નં.10ના યુનિ. રોડ પર 4, વોર્ડ નં.13ના ઉદ્યોગનગરમાં 5, વોર્ડ નં.14ના મિલપરામાં 6, વોર્ડ નં.15ના મધુરમ ઇન્ડ. એરીયામાં 4, વોર્ડ નં.16ના મારૂતિનગરમાં 12 નોટીસ અપાઇ હતી.
વોર્ડ નં.5ના રણછોડ વાડીમાં એક મિલ્કત સીલ કરાઇ હતી. તો વોર્ડ નં.7ના ગોંડલ રોડ, જનસતા ચોક, વોર્ડ નં.4ના મોરબી રોડ, વોર્ડ નં.12ના મવડી રોડ, વોર્ડ નં.18ના શ્રી હરિ ઇન્ડ., ગોંડલ રોડના એક યુનિટને નોટીસ અને સીલની કાર્યવાહી કરાતા રીકવરી થઇ હતી.
9879405838

આ પ્રકારના તમામ સમાચાર માટેે App ડાઉનલોડ કરો.