ન્યારી નદીમાંથી અજાણ્યા યુવાનનો મૃતદેહ મળતા પોલીસ દોડી ગઈ

રાજકોટ નજીક વાગુદળ ગામના પાટીયા પાસે ન્યારી નદીમાંથી આશરે 30 વર્ષના અજાણ્યા યુવાનનો કોહવાઈ ગયેલો મૃતદેહ મળી આવતા લોધીકા પોલીસની ટીમ દોડી ગઈ હતી.લોધીકા પોલીસના પીએસઆઈ શ્રી ચૌહાણના જણાવ્યા મુજબ તા.8/10/2022ના રોજ બપોર બાદના સમયે તેમના સ્ટાફને જાણ થઈ હતી કે, લોધીકા તાલુકાની વાગુદળ ગામના પાટીયા પાસે ન્યારી નદીમાં કોહવાયેલી હાલતમાં લાશ તરી રહી છે.
પાણીમાં તરતી આ લાશને રાજકોટ રેલનગર ફાયર સ્ટેશનના જવાનોએ બહાર કાઢી પોલીસને સોંપી હતી. પોલીસ સ્ટાફે જરૂરી કાગળ કાર્યવાહી કરી મૃતદેહને પોસ્ટમોર્ટમ અર્થે હોસ્પિટલમાં ખસેડવામાં આવેલ આ અજાણ્યા યુવાનના શરીર ઉપર ઈજાના કોઈ જ નિશાન નથી જેથી આપઘાત કર્યો હોય અથવા અકસ્માતે ડુબી ગયાની શંકા છે.
જો કે, આ મૃતકની ઓળખ હજુ સુધી થઈ નથી, મૃતકના હાથમાં ઓમ અને અંગ્રેજીમાં એસ.એ.લખ્યું છે. હાલ પોલીસે મરણ નોંધ લખી મૃતકના વાલી વારસની શોધખોળ હાથ ધરી છે, આ મૃતક યુવાનને જો કોઈ ઓળખતું હોય તો લોધીકા પોલીસ મથકનાં ટેલીફોન નં.02827-244226 અથવા મો.નં.9898028551 ઉપર સંપર્ક કરવા અપીલ કરાઈ છે

આ પ્રકારના તમામ સમાચાર માટેે App ડાઉનલોડ કરો.