મધવાસ નવસર્જન હાઈસ્કૂલમાં પ્રાથમિક વિભાગના બાળકોને સ્કૂલ બેગનું વિતરણ

મહીસાગર જિલ્લાના મધવાસ ખાતે આવેલ નવસર્જન હાઈસ્કૂલમાં જિલ્લા શિક્ષણાધિકારી ડૉ.અવનીબા મોરીની પ્રેરણાથી શાળાના આચાર્ય વિપુલભાઈના સૌજન્યથી શાળાના પ્રાથમિક વિભાગના તમામ બાળકોને સ્કૂલબેગ વિતરણનો કાર્યક્રમ યોજાયો હતો. આ અવસરે શાળાના બાળકોમાં એક અનેરા ઉલ્લાસનું વાતાવરણ સર્જાયું હતું. જિલ્લા શિક્ષણાધિકારીએ શાળામાં થતી વિવિધ પ્રવૃત્તિઓને બિરદાવી શાળા પરિવાર દ્વારા સહયોગ સાથે સેવાભાવના આવા કાર્યક્રમો શિક્ષણ જગત અને સમાજ માટે પ્રેરણા રૂપ હોય છે તેમ જણાવી સૌને શુભેચ્છાઓ પાઠવી હતી.આ પૂર્વ ધારાસભ્ય હીરાભાઈ પટેલ શાળાના ટ્રસ્ટી પી.એસ પટેલ મંત્રી ચેતનભાઈ, પૂર્વ આચાર્યો,શિક્ષણ નિરીક્ષક સુનિલ પારગી, પૂર્વ આચાર્ય સંઘના પ્રમુખ મહેન્દ્રભાઈ, મહીસાગર જિલ્લા પ્રાથમિક શિક્ષક સંઘના પ્રમુખ શશીકાંતભાઈ, સમાજના શ્રેષ્ઠીઓ, મંડળના હોદ્દેદારો તેમજ કારોબારી સદસ્યો ઉપસ્થિત રહ્યા હતા‌. આ કાર્યક્રમમાં શાળાના ક્લાર્ક અને મહિસાગર જિલ્લા વહીવટી સંઘના મંત્રી રજનીભાઈ દ્વારા આગામી વર્ષે ધોરણ ૯ માં પ્રવેશ લેતા તમામ બાળકોને સ્કૂલબેગ વિતરણની જાહેરાત કરવામાં આવી હતી.
જેને સૌએ તાળીઓના ગડગડાટથી વધાવી લીધી હતી.કાર્યક્રમમાં ઉપસ્થિત મહેમાનોએ પ્રાર્થના અને સ્વાગત ગીતમાં ભાગ લેનાર બાલિકાઓને ઇનામો આપી પ્રોત્સાહિત કરી હતી. શાળા પરિવારે ભારે જહેમતથી સમગ્ર કાર્યક્રમને સફળ બનાવ્યો હતો.

આ પ્રકારના તમામ સમાચાર માટેે App ડાઉનલોડ કરો.