ભારતીય બસ નેપાળમાં નદીમાં ખાબકી, 14નાં મોત:ઘણા લોકો ઘાયલ, 40 લોકો સવાર હતા; પોખરાથી કાઠમંડુ જતા સમયે દુર્ઘટના
નેપાળમાં ઉત્તરપ્રદેશની એક બસ નદીમાં ખાબકી છે. ગોરખપુરની આ બસમાં 40 મુસાફર હતા, જેમાંથી 14નાં મોત થયાં છે. બસ પોખરાથી કાઠમંડુ જઈ રહી હતી. આ દરમિયાન એ કાબૂ બહાર જઈ નદીમાં પડી ગઈ હતી. તનાહુન જિલ્લામાં શુક્રવારે સવારે 11.30 વાગ્યે આ અકસ્માત થયો હતો. જિલ્લા એસપી બિરેન્દ્ર શાહીએ કહ્યું- બસ મર્સ્યાંગડી પાસે નદીમાં પડી છે. સ્થાનિક પોલીસ અને બચાવ ટીમ ઘટનાસ્થળે પહોંચી ગઈ છે. સેના અને સશસ્ત્ર દળોને પણ એલર્ટ કરી દેવામાં આવ્યા છે. દુર્ઘટનાની તસવીરો... ગોરખપુરમાં બસ રજિસ્ટર
તનાહુનના ડીએસપી દીપકુમાર રાયાએ જણાવ્યું હતું કે બસનો નંબર UP-53 FT 7623 છે. એ ગોરખપુરના ધર્મશાલા બજાર વિસ્તારના રહેવાસી સૌરભ કેસરવાણીની પત્ની શાલિની કેસરવાણીના નામે નોંધાયેલો છે. યુપી સરકારના ડિઝાસ્ટર રિલીફ કમિશનરે કહ્યું- નેપાળના અધિકારીઓનો સંપર્ક કરીને માહિતી એકત્રિત કરવામાં આવી રહી છે.
આ પ્રકારના તમામ સમાચાર માટેે
App ડાઉનલોડ કરો.