ઓપનિંગ ડેમાં જ ‘ચંદુ ચેમ્પિયન’ની કમાણીમાં ધોબી પછાડ:કાર્તિકની છેલ્લી 7 ફિલ્મોમાં પહેલા દિવસનું સૌથી ખરાબ કલેક્શન, ‘મુંજ્યા’ની કમાણી 40 કરોડને પાર

કાર્તિક આર્યનની ફિલ્મ 'ચંદુ ચેમ્પિયન' આ શુક્રવારે બોક્સ ઓફિસ પર રિલીઝ થઈ છે. ઈન્ડસ્ટ્રી ટ્રેકર વેબસાઈટ SACNILK અનુસાર, આ ફિલ્મે પહેલા દિવસે 5 કરોડ 5લાખ રૂપિયાનું કલેક્શન કર્યું હતું. પ્રથમ દિવસે થિયેટરોમાં ફિલ્મની ઓવરઓલ ઓક્યુપેન્સી 16.84% હતી. આ સાથે, તે કાર્તિકની સતત ત્રીજી ફિલ્મ બની છે જેણે પ્રથમ દિવસે 10 કરોડ રૂપિયાથી ઓછો બિઝનેસ કર્યો હોય. અગાઉ ગત વર્ષે રિલીઝ થયેલી 'સત્યપ્રેમ કી કથા'ને 9.25 કરોડની ઓપનિંગ મળી હતી અને 'શહજાદા'ને 6 કરોડની ઓપનિંગ મળી હતી. સ્પોર્ટ્સ-ડ્રામા 'ચંદુ ચેમ્પિયન' દેશના પ્રથમ પેરાલિમ્પિક સુવર્ણ ચંદ્રક વિજેતા મુરલીકાંત પેટકરની બાયોપિક છે. તેનું નિર્દેશન કબીર ખાને કર્યું છે. ફિલ્મનો રિવ્યૂ વાંચો છેલ્લી 7 ફિલ્મોને 6 કરોડથી વધુની ઓપનિંગ મળી છે
કાર્તિકની છેલ્લા 7 વર્ષમાં રિલીઝ થયેલી ફિલ્મોમાં આ સૌથી ઓછી ઓપનિંગ કરનારી ફિલ્મ બની છે. આ પહેલાં 2017માં રિલીઝ થયેલી કાર્તિકની ફિલ્મ 'ગેસ્ટ ઇન લંડન'ને 2 કરોડ 10 લાખ રૂપિયાની ઓપનિંગ મળી હતી. ત્યારથી અત્યાર સુધીમાં તેની 7 ફિલ્મો રિલીઝ થઈ છે. તમામને સરેરાશ રૂ. 6 કરોડથી વધુની ઓપનિંગ મળી છે. કાર્તિકની કરિચરની સૌથી મોટી ઓપનિંગ મેળવનાર ફિલ્મ 'ભુલ ભૂલૈયા 2' છે. 2022માં રિલીઝ થયેલી આ ફિલ્મે પહેલા દિવસે બોક્સ ઓફિસ પર 14.11 કરોડ રૂપિયાની કમાણી કરી હતી. 'મિસ્ટર એન્ડ મિસિસ માહી'ને 6.85 કરોડની ઓપનિંગ મળી હતી
હાલમાં રિલીઝ થયેલી ફિલ્મોની વાત કરીએ તો ગત અઠવાડિયે રિલીઝ થયેલી 'મુંજ્યા'એ શરૂઆતના દિવસે 4 કરોડ 21 લાખ રૂપિયાની કમાણી કરી હતી. જ્યારે તે પહેલા રિલીઝ થયેલી 'મિસ્ટર એન્ડ મિસિસ માહી'ને 6 કરોડ 85 લાખ રૂપિયાની ઓપનિંગ મળી હતી. 'મુંજ્યા'એ બીજા શુક્રવારે 3.75 કરોડ રૂપિયાની કમાણી કરી હતી
રિલીઝના બીજા શુક્રવારે 'મુંજ્યા'એ 3 કરોડ 75 લાખ રૂપિયાની કમાણી કરી હતી. આ સાથે આ ફિલ્મનું કુલ કલેક્શન 40 કરોડ 25 લાખ રૂપિયા પર પહોંચી ગયું છે. અગાઉ, ફિલ્મે તમામ વીક ડે (સોમવારથી ગુરુવાર) રૂ. 4 કરોડથી વધુનું કલેક્શન કર્યું હતું. ફિલ્મને પોઝિટિવ માઉથ પબ્લિસિટીનો જબરદસ્ત ફાયદો મળી રહ્યો છે.

આ પ્રકારના તમામ સમાચાર માટેે App ડાઉનલોડ કરો.