હેમંત સોરેન ફરીથી ઝારખંડના CM બની શકે છે:જમીન કૌભાંડ કેસમાં 5 મહિના જેલમાં રહ્યા, ચંપાઈ JMMના કાર્યકારી અધ્યક્ષ બનશે

ઝારખંડની રાજનીતિમાં મોટો બદલાવ થવા જઈ રહ્યો છે. રાંચીના સીએમ હાઉસમાં ચાલી રહેલી બેઠકમાં અંદરથી સમાચાર મળી રહ્યા છે કે ઝારખંડમાં CM બદલાશે તે નkdkr છે. સૂત્રોનું માનીએ તો હેમંત સોરેન ફરીથી CMની ખુરશી પર બેસશે. ચંપાઈ સોરેન જેએમએમના કાર્યકારી અધ્યક્ષ હશે. જો કે હજુ સુધી તેની સત્તાવાર જાહેરાત કરવામાં આવી નથી. ​​​​​​ઝારખંડના પૂર્વ CM હેમંત સોરેન 5 દિવસ પહેલા જેલમાંથી છુટ્યા હતા. તેમનું જેલમાંથી બહાર આવવાની સાથે જ ઝારખંડનું રાજકારણ ગરમાયું છે. આજે સીએમ આવાસ પર ઈન્ડિયા ગઠબંધનની બેઠક મળી છે. CM ચંપાઈ સોરેને પોતાના તમામ કાર્યક્રમો રદ્દ કરી દીધા છે. જોકે, JMM, કોંગ્રેસ, RJD અને ML તરફથી સત્તાવાર રીતે કંઈ કહેવામાં આવ્યું નથી. ધારાસભ્યો અને મંત્રીઓનું બેઠક માટે CM હાઉસમાં આવવાનું ચાલુ છે. આ બેઠકમાં સરકારના તમામ મંત્રીઓ અને ધારાસભ્યો હાજર છે. આ સાથે કોંગ્રેસના ઝારખંડ પ્રભારી ગુલામ અહેમદ મીર પણ આ બેઠકમાં હાજર છે. CM ચંપાઈના તમામ કાર્યક્રમો મોકૂફ રખાયા
આજની બેઠકને અનેક રીતે મહત્વની માનવામાં આવી રહી છે. મંગળવારથી CM ચંપાઈ સોરેનના ઘણા કાર્યક્રમો સ્થગિત કરવામાં આવ્યા છે. આગામી સૂચના સુધી તમામ કાર્યક્રમો મોકૂફ રાખવામાં આવ્યા છે. મંગળવારે રાજ્યમાં અલગ-અલગ સ્થળોએ સીએમ ચંપાઈ સહિત ઘણા મંત્રીઓના કાર્યક્રમો હતા, તે પણ મોકૂફ રાખવામાં આવ્યા છે. આ પછી, JMMના કાર્યકારી અધ્યક્ષ હેમંત સોરેન તેમને તેમના મોરહાબાદી નિવાસસ્થાને મળવા ગયા. સૂત્રોના જણાવ્યા અનુસાર બંને વચ્ચે અડધા કલાકથી વધુ સમય સુધી વાતચીત થઈ હતી. આ ભેટ ખૂબ જ મહત્વપૂર્ણ માનવામાં આવી રહી છે. કોંગ્રેસના પ્રદેશ અધ્યક્ષ રાજેશ ઠાકુરે પણ સીએમ ચંપાઈ સોરેન સાથે મુલાકાત કરી છે. શું હેમંત સોરેન ફરી બનશે CM?
આજની બેઠક રાજ્યના રાજકારણ માટે મહત્વની માનવામાં આવી રહી છે, તેથી સમગ્ર રાજ્યની નજર તેના પર ટકેલી છે. આ બેઠક પહેલા જ રાજ્યમાં રાજકીય ગરમાવો વધી ગયો છે અને ધારાસભ્યોની હાજરીમાં કોઈ મોટો નિર્ણય લેવામાં આવી શકે છે તેમ માનવામાં આવી રહ્યું છે. ચર્ચા છે કે સત્તાધારી ધારાસભ્ય હેમંત સોરેનને ફરીથી નેતૃત્વ સોંપવા અંગે પોતાનો અભિપ્રાય આપી શકે છે. ત્યારબાદ કોઈ મોટો રાજકીય નિર્ણય લેવામાં આવી શકે છે. જેને લઈને શાસક પક્ષમાં ભારે હોબાળો મચી ગયો છે. હેમંત સોરેન જેલમાંથી છુટ્યા બાદ કલ્પના સોરેન પણ પહેલા કરતા વધુ સક્રિય થઈ ગયા છે. કલ્પના સાથે હોવાને રાજકીય સંકેત તરીકે પણ જોવામાં આવી રહ્યું છે. વિધાનસભાની ચૂંટણી અંગે ચર્ચા થશે
આજની બેઠક અંગે જેએમએમના મહાસચિવ વિનોદ પાંડેએ કહ્યું કે ગઠબંધનની બેઠક બોલાવવામાં આવી છે. જેમાં વર્તમાન રાજકીય પરિસ્થિતિ પર ચર્ચા કરવામાં આવશે. વિધાનસભાની ચૂંટણી અંગે પણ ચર્ચા થશે. હવે સરકાર દ્વારા કેટલું કામ થયું અને શું કરવામાં આવ્યું તેની ચર્ચા થશે. દરમિયાન કોંગ્રેસના પ્રદેશ અધ્યક્ષ રાજેશ ઠાકુરે જણાવ્યું હતું કે વિધાનસભા ચૂંટણીને લઈને બેઠક બોલાવવામાં આવી છે. આ બેઠકમાં લેવાયેલા નિર્ણયને સર્વત્ર સ્વીકારવામાં આવશે.

આ પ્રકારના તમામ સમાચાર માટેે App ડાઉનલોડ કરો.