એક જ દી’ બંધ રહેલા મકાનમાં તસ્કરો ખાબક્યા
શહેરમાં તસ્કરો તરખાટ મચાવી રહ્યા છે. જામનગર રોડ પરના ગાયત્રીધામમાં રહેતા પરિવારનું મકાન એક જ દિવસ બંધ રહ્યું હતું અને તસ્કરોની નજરે ચડી ગયું હતું. ગાયત્રીધામમાં રહેતા પૂનમબેન ક્રિષ્નાકિશોર મિશ્રા અને તેમના પતિ ક્રિષ્નાકિશોર શનિવારે અમદાવાદ રહેતા તેના પુત્રના ઘરે ગયા હતા. રવિવારે સવારે પાડોશીએ ફોન કર્યો હતો કે, તમારા ઘરમાં ચોરી થઇ છે. મિશ્રા પરિવાર તાકીદે પરત આવ્યો હતો અને તપાસ કરતાં ઘરના દરવાજાના તાળાં નકૂચા તોડી અંદર ઘૂસેલા તસ્કરો પેટી પલંગમાં રાખેલા રૂ.18 હજારની કિંમતના ચાંદીના દાગીના અને રૂ.5 હજાર રોકડા સહિત કુલ રૂ.23 હજારની માલમતા ઉઠાવી ગયા હતા. પૂનમબેનની ફરિયાદ પરથી પોલીસે રાબેતા મુજબ તપાસ શરૂ કરી હતી.
આ પ્રકારના તમામ સમાચાર માટેે
App ડાઉનલોડ કરો.