સ્કૂલે જતી બે સગીરાને રોકી છેડતી કરી, બથ ભરી અડપલા કર્યા, ગાલે વિખોડિયા ભરી લીધા
લક્ષ્મીનગર અંડરબ્રિજ પાસે ગઈકાલે વિકૃત યુવાને સ્કૂલે જતી બે સગીરાને રોકી છેડતી કરી હતી. એક સગીરાને બથ ભરી અડપલા કર્યા હતા અને ગાલે વિખોડિયા ભરી લીધા હતા. બનાવની જાણ થતાં સ્કૂલના શિક્ષકો અને વિદ્યાર્થિનીના પિતાએ આરોપીને પકડી લઈ એ. ડિવિઝન પોલીસને સોંપ્યો હતો. પોલીસે ગુનો દાખલ કર્યો હતો. આરોપી જગદીશ પરમાર મૂળ આણંદનો વતની છે અને અહીં રાજકોટમાં છૂટક મજૂરી કરે છે. સગીરાઓને જોઈ વિકૃતિ સવાર થતા ગુનો આચાર્યો હોવાનું સામે આવ્યું છે.
એક બ્લડ બેંકમાં નોકરી કરતા અને મંગળા રોડ પરના એક એપાર્ટમેન્ટમાં રહેતા 14 વર્ષીય દીકરીના પિતાએ એ.ડિવિઝન પોલીસ મથકે ફરિયાદ નોંધાવતા જણાવ્યું હતું કે, મારી 14 વર્ષની દીકરી રીના (નામ બદલાવેલ છે) અને અમારા પાડોશીની 14 વર્ષીય દીકરી દીપા (નામ બદલાવેલ છે) બંન્ને લક્ષ્મીનગર પાસે આવેલા વિસ્તારની એક ખાનગી સ્કૂલમાં ધોરણ 9માં અભ્યાસ કરે છે તા.5/2ના સાંજે પોણા પાંચેક વાગ્યાના અરસામાં રીના અને દીપા બંન્ને પોતપોતાની સાયકલમાં વધારાના કલાસ કરવા ઘરેથી સ્કૂલે જવા નીકળેલ જે પછી સાંજે સાડાપાંચ વાગ્યે મને સ્કૂલના શિક્ષકનો ફોન આવેલ કે રીના અને દીપા સ્કૂલે આવતી હતી
ત્યારે કોઈ છોકરાએ તેમને હેરાન કરેલ છે હું તુરંત સ્કૂલે પહોંચ્યો હતો. ત્યાં રીના અને દીપાએ વાત કરી હતી કે બંન્ને ઘરેથી નીકળ્યા પછી લક્ષ્મીનગરનાં સીડીએસ બીપીન રાવત અંડરબ્રીજ પાસે પહોંચેલ ત્યાં એક છોકરો ઉભો હતો.પ્રથમ તે છોકરાએ દીપાની સાયકલ રોકી સાયકલનું હેન્ડલ પકડી લીધું હતું.પરંતુ દીપા સાયકલ છોડાવી આગળ નીકળી ગઈ.તેની પાછળ આવતી રીનાની સાયકલ આ છોકરાએ રોકી રીના સાયકલ ઉપર જ હતી ત્યારે આ છોકરાએ તેનો હાથ પકડી બથ ભરી લીધી.ગાલ પર મોઢું અડાડવા કોશિશ કરી છાતીના ભાગે અડપલા કર્યા રીનાએ પ્રતિરોધ કરી ધકકો મારતા આ છોકરાએ રીનાના ગાલ પર નખથી વિખોડીયા ભરી લીધા હતા.
દરમિયાન રીના પણ ત્યાંથી છોડાવી સ્કૂલે પહોંચી હતી.અને શિક્ષકને વાત કરી હતી.અમે બંન્ને દીકરીઓને લઈ બનાવ વાળી જગ્યાએ જતા ત્યાં આ છોકરો ઉભો હોય પોલીસને બોલાવી હતી.પોલીસના અધિકારી કર્મચારી આવતા છોકરાનું નામ પુછતા જગદીશ કિરણભાઈ પરમાર (ઉ.વ.20) હોવાનું જણાવેલ છોકરાએ પોલીસને સોંપી અમે બધા ફરિયાદ નોંધાવવા પોલીસ મથકે આવ્યા હતાં.
એ ડિવિઝન પોલીસ મથકના પીઆઈડી.એમ.હરિપરાના માર્ગદર્શન હેઠળ પોલીસ સ્ટાફે ગુનો નોંધી જગદીશની ધરપકડ કરી હતી.પ્રાથમિક પુછપરછમાં જાણવા મળેલ કે જગદીશ મૂળ આણંદનો છે હાલ રાજકોટમાં તેના અન્ય યુવાન મિત્રો સાથે રૂમ ભાડે રાખી રહે છે. છુટક કામ મળે તે કામ કરે છે. પોલીસ સૂત્રોના જણાવ્યા મુજબ વિકૃતિ માનસિકતાના કારણે આરોપીએ આ કૃત્ય આચર્યું હતું.તેના વિરૂદ્ધ કાયદેસર કાર્યવાહી કરવામાં આવી છે
9879405838
આ પ્રકારના તમામ સમાચાર માટેે
App ડાઉનલોડ કરો.