‘આઝાદીની કિંમત સમજવી હોય તો બાંગ્લાદેશને જોઈ લો’:CJIએ કહ્યું- સ્વતંત્રતાને હળવાશથી ન લઈ શકાય; આ કેટલું મહત્વનું છે, ઈતિહાસ પરથી સમજો

દિલ્હીમાં સ્વતંત્રતા દિવસના એક કાર્યક્રમમાં ચીફ જસ્ટિસ (CJI) ડીવાય ચંદ્રચુડે કહ્યું કે બાંગ્લાદેશમાં જે થઈ રહ્યું છે, તે એ વાતની યાદ અપાવે છે કે આઝાદી આપણા માટે કેટલી કિંમતી છે. CJIએ કહ્યું- અમે 1950માં બંધારણ અપનાવ્યું અને તેનું પાલન કર્યું. આ જ કારણ છે કે સ્વતંત્રતામાં કોઈપણ પ્રકારની દખલગીરી નથી. સ્વતંત્રતા કે આઝાદીને હળવાશથી ન લઈ શકાય. આ કેટલું મહત્વનું છે, તે ભૂતકાળની વાર્તાઓ પરથી સમજી શકાય છે. ચીફ જસ્ટિસ ચંદ્રચુડે એમ પણ કહ્યું કે આજનો દિવસ આપણને બંધારણના તમામ મૂલ્યોને સમજવાની અને રાષ્ટ્ર પ્રત્યેની આપણી ફરજો નિભાવવાની યાદ અપાવે છે. CJIએ કહ્યું- આઝાદીની લડાઈમાં કાયદાની પ્રેક્ટિસ છોડનારાઓને સલામ
CJI ચંદ્રચુડે કહ્યું- દરેક વ્યક્તિ જાણે છે કે સ્વતંત્રતા સંગ્રામમાં દેશને શું સામનો કરવો પડ્યો, તે સમયે બંધારણ અને કાયદાની સ્થિતિ શું હતી. આપણે એવા સ્વાતંત્ર્ય સેનાનીઓને સલામ કરવી જોઈએ જેમણે કાયદાની પ્રેક્ટિસ છોડી સ્વતંત્રતા સંગ્રામમાં જોડાયા. બાબા સાહેબ આંબેડકર, જવાહરલાલ નહેરુ, અલ્લાદી કૃષ્ણસ્વામી અય્યર, ગોવિંદ વલ્લભ પંત, દેવી પ્રસાદ ખેતાન, સર સૈયદ મોહમ્મદ સાદુલ્લા જેવા ઘણા મહાપુરુષોએ રાષ્ટ્ર માટે પોતાને સમર્પિત કર્યા હતા. તે બધા ભારતની આઝાદીના નાયક હતા. તેમણે સ્વતંત્ર ન્યાયતંત્રની સ્થાપનામાં પણ યોગદાન આપ્યું હતું. ચંદ્રચુડે કહ્યું- કોર્ટનું કામ સામાન્ય માણસના સંઘર્ષ જેવું
ચીફ જસ્ટિસ ચંદ્રચુડે કોર્ટની વર્તમાન પ્રક્રિયા વિશે પણ વાત કરી. CJIએ કહ્યું- છેલ્લા 24 વર્ષમાં એક જજ તરીકે હું મારા દિલ પર હાથ રાખીને કહી શકું છું કે કોર્ટનું કામ સામાન્ય માણસના જીવન જેટલું જ સંઘર્ષથી ભરેલું છે. કોર્ટમાં દરેક ધર્મ, જાતિ, લિંગ, ગામ અને શહેરોના લોકો આવે છે. તે બધાને મર્યાદિત સંસાધનોમાં અને કાર્યક્ષેત્રમાં ન્યાય અપાવવાનો હોય છે. તે એટલું સરળ કાર્ય નથી.

આ પ્રકારના તમામ સમાચાર માટેે App ડાઉનલોડ કરો.