બોટાદ જિલ્લા કલેક્ટર(ઇ.ચા.)અક્ષય બુદાનિયાના અધ્યક્ષપદે સૂર્ય નમસ્કાર કાર્યક્રમ પૂર્વ આયોજન અંગે બેઠક યોજાઈ
બોટાદ જિલ્લા કલેક્ટર(ઇ.ચા.)અક્ષય બુદાનિયાના અધ્યક્ષપદે સૂર્ય નમસ્કાર કાર્યક્રમ પૂર્વ આયોજન અંગે બેઠક યોજાઈ
ઇન્ચાર્જ જિલ્લા કલેકટર અક્ષય બુદાનિયાના અધ્યક્ષપદે બોટાદ જિલ્લા કલેક્ટર કચેરીના સભાખંડ ખાતે સૂર્ય નમસ્કાર કાર્યક્રમ પૂર્વ આયોજન અંગે બેઠક યોજાઈ હતી.રાજ્યમાં ચાલી રહેલા સૂર્યનમસ્કાર મહાઅભિયાનની ઉજવણીના ઉપલક્ષ્યમાં બોટાદ ખાતે તા. ૦૧/૦૧/૨૦૨૪ સવારે: ૮:૦૦ કલાકે શ્રી આદર્શ શૈક્ષણિક સંકુલ ખાતે જિલ્લાકક્ષાનો સૂર્ય નમસ્કાર કાર્યક્રમ થશે તેમજ આઇકોનિક સ્થળ તરીકે શ્રી સાળંગપુર હનુમાનજી મંદિર ખાતે પણ આ કાર્યક્રમ યોજાશે.ત્યારે જિલ્લા કલેક્ટરશ્રીએ બેઠકમાં આ કાર્યક્રમના સુચારૂ આયોજન અંગે સંબધિત વિભાગોને જરૂરી સૂચનો આપ્યા હતા. સૂર્ય નમસ્કાર તથા યોગનાં લાભો વિશે સામાન્ય નાગરિકો વાકેફ થાય તથા પોતાના રોજબરોજની દિનચર્યામાં તેનો સમાવેશ કરવા પ્રેરાઇ તે ખૂબ જરૂરી હોવાનું જણાવી જિલ્લા કલેક્ટરએ આ કાર્યક્રમ માટે બનાવેલી સમિતિનાં સભ્યોને વિશેષ માર્ગદર્શન આપ્યુ હતુ.બેઠકમાં જિલ્લા પોલીસ અધિક્ષક કે.એફ.બલોલીયા,નિવાસી અધિક ક્લેક્ટરશ્રી મુકેશ પરમાર સહિત જિલ્લાના સંબંધિત અમલીકરણ અધિકારીઓ ઉપસ્થિત રહ્યાં હતાં.
આ પ્રકારના તમામ સમાચાર માટેે
App ડાઉનલોડ કરો.