જસદણની રામાણી હોસ્પિટલ પાસેથી બે બાઈકની ચોરી કરનાર ઈસમને ખાંડા હડમતીયા ના પાટીયા પાસેથી જસદણ પોલીસે પકડી પાડ્યો

(નરેશ ચોહલીયા દ્વારા જસદણ)
જસદણના નવા બસ સ્ટેન્ડ નજીક રામાણી હોસ્પિટલ પાસેથી એક તસ્કર બાઈક ચોરી કરતો હોસ્પિટલના સીસીટીવી માં કેદ થયો હતો. ચોરીના બનાવની પોલીસ ને ફરિયાદ મળતા ગણતરીના કલાકોમાં આરોપીને જસદણના ખાંડા હડમતીયા ના પાટીયા નજીકથી પકડી પાડ્યો હતો. આરોપીને પૂછપરછ કરતા તેનું નામ પ્રવીણ જણાવ્યું હતું. અને જસદણના કાળાસર ગામ નો રહેવાસી હોય પોતે ખેતી કામ કરે છે. પણ ખેતીમાં આ વર્ષે કુદરતે કાળો કહેર વર્તાવી ખેડૂતોને પાયમાલ કર્યા છે. દિવાળી નો તહેવાર આવે છે તેમજ તેમના મકાન માથે લોન લીધેલી હોય જેના હપ્તા ચડી જતા આ પગલું ભર્યું હતું. જસદણ ની દર્શી હોસ્પિટલ અને રામાણી હોસ્પિટલ પાસેથી બે બાઈકની ચોરીની કબુલાત આપી છે. પોલીસ દ્વારા આજે કોર્ટમાં સોંપી રિમાન્ડની માંગણી કરવામાં આવશે.

આ પ્રકારના તમામ સમાચાર માટેે App ડાઉનલોડ કરો.