ફર્ઝી પોલીસ ગેંગ, ‘મોટા લોકો’ નિશાના પર:કોઈને બળાત્કારી તો કોઈને આતંકવાદી કહીને ખંખેર્યા કરોડો રૂપિયા, અજાણી લિંક્સ પર ક્લિક કરવું જોખમી, પાર્ટ-2

અજાણ્યા નંબરો પરથી વીડિયો કોલ્સ. રિસીવ કરતાંની સાથે સામે દેખાય છે પોલીસ યુનિફોર્મમાં એક વ્યક્તિ. પાછળની દીવાલ પર મહાપુરુષોની તસવીરો. આ જોઈને કોલ રિસીવ કરનારી વ્યક્તિ ગભરાઈ જાય છે- મેં આવી તો શું ભૂલ કરી છે કે પોલીસે કોલ કર્યો છે? આનો જ ફાયદો ઉઠાવે છે ડિજિટલ અરેસ્ટ કરનારા લૂંટારાઓ. આ લૂંટારાઓ લોકોને પોલીસ ઓફિસર બનીને ડરાવે છે અને તેમને ઘણા કલાકો સુધી ઘરમાં બંધ રાખવા દબાણ કરે છે. દેશદ્રોહી, આતંકવાદી અને બળાત્કારી કહીને લાખો-કરોડો રૂપિયા લૂંટી લે છે. ભાસ્કરની સ્પેશિયલ સિરીઝ 'ઓપરેશન ડિજિટલ અરેસ્ટ'ના પાર્ટ-1માં રિપોર્ટરે 6 કલાક સુધી પોતાને ડિજિટલ અરેસ્ટ કરીને તેમનો પર્દાફાશ કર્યો હતો. આજે પાર્ટ-2માં એક્સપર્ટ પાસેથી જાણીએ- કેવી રીતે આ ઓનલાઈન લૂંટારાઓને ઓળખી શકાય... ડિજિટલ ધરપકડ શું છે? જો પોલીસ કેસની તપાસ કરે તો એની પ્રક્રિયા શું?
પોલીસ અધિકારીઓના જણાવ્યા અનુસાર, પોલીસ તપાસ અને પૂછપરછની એક પ્રક્રિયા હોય છે. જ્યારે કોઈપણ કેસ પોલીસ સમક્ષ આવે છે ત્યારે પ્રથમ FIR નોંધવામાં આવે છે. એની એક નકલ ફરિયાદીને અને એક નકલ આરોપીને આપવામાં આવે છે. એમાં જણાવવામાં આવે છે કે તમારા વિરુદ્ધ આ કેસ છે. પૂછપરછ માટે પણ પહેલા આરોપીને નોટિસ મોકલવામાં આવે છે અને તેને પોલીસ સ્ટેશનમાં નિવેદન આપવા માટે તારીખ આપવામાં આવે છે. કોઈ નિવેદન ઓનલાઈન કરવામાં આવતું નથી. ધરપકડ કરવી હોય તો પોલીસ પહેલા તેની સીધી ધરપકડ કરતી નથી. પોલીસ સ્ટેશનમાં તેનું નિવેદન લીધા પછી પોલીસ તેને કસ્ટડીમાં રાખે છે અને પછી તેની ધરપકડ કરે છે. ધરપકડ બાદ પરિવારને આ જાણકારી આપવામાં આવે છે. જણાવવામાં આવે છે કે કયા આરોપમાં તેની ધરપકડ કરવામાં આવી છે. તેને 24 કલાકમાં કોર્ટમાં રજૂ કરવામાં આવે છે. ડિજિટલ અરેસ્ટની જાળથી બચવા માટે શું સાવચેતી રાખવી જોઈએ? આ નેટવર્ક કેવી રીતે કામ કરે છે?
આ ઠગ અલગ-અલગ રાજ્યોમાંથી તેમનું નેટવર્ક ચલાવે છે. વિવિધ માધ્યમો દ્વારા હાઇ પ્રોફાઇલ લોકોના મોબાઇલ નંબર અને વ્યક્તિગત ડેટા એકત્રિત કરે છે. બીજી ટીમ છે જે છેતરપિંડીના પૈસા ખર્ચવા માટે કામ કરે છે. તે જુદા જુદા શહેરોમાં બેરોજગાર યુવાનોની શોધ કરે છે, જેમનાં ખાતાં ભાડે લઈ શકાય છે. ડિજિટલ ધરપકડ સંબંધિત આ સમાચાર પણ વાંચો... કેમેરા સામે પહેલીવાર ડિજિટલ અરેસ્ટ કરનારા લૂંટારા:ભાસ્કર રિપોર્ટર 6 કલાક કેદ રહ્યા, પુરાવા મેળવવા ત્રાસ સહન કર્યો; કેવી રીતે ફસાય છે હાઇપ્રોફાઈલ લોકો, પાર્ટ-1 દેશભરમાં ઓનલાઈન લૂંટારાઓની ડિજિટલી ધરપકડ. ક્યારેક નકલી IPS તો ક્યારેક CBI ઓફિસર બનીને હાઈપ્રોફાઈલ લોકોને દેશદ્રોહી, આતંકવાદી, બળાત્કારી, દાણચોર કહીને લાખો અને કરોડો રૂપિયાની લૂંટ ચલાવે છે. કલાકો સુધી ઘરમાં બંધ રહેવાની ફરજ પડી.
(સંપૂર્ણ સમાચાર અહીં વાંચો)

આ પ્રકારના તમામ સમાચાર માટેે App ડાઉનલોડ કરો.