બીયરનો શોખિન છે ‘રાજા’:સવાર-સાંજ પીવા જોઈએ, બિહારમાં દારૂબંધીથી હરિયાણાનો 2 કરોડનો પાડો પરેશાન; માલિકે કહ્યું, બીયર ન મળે તો તેનો મૂડ બગડી જાય છે

દારૂ એક એવી વસ્તુ છે કે જેની લત માત્ર માણસો જ નહીં પરંતુ પ્રાણીઓ પણ લાગી જાય છે. તેનું એક વિચિત્ર ઉદાહરણ હરિયાણાથી બિહારના સોનપુર પશુ મેળામાં આવેલો એક પાડો છે. આ પાડાની કિંમત 2 કરોડ રૂપિયાથી વધુ છે, જેના કારણે દરેક તેને જોવા માટે ઉત્સાહિત હતા. તેને જોવા માટે લોકો દૂર-દૂરથી આવતા હતા, પરંતુ આ પાડો સુસ્ત પડેલો હતો, એવું લાગતું જાણે તે નિરાશ છે. પાડાના માલિકે તેની આળસનું રહસ્ય ખોલ્યું. માલિકે બિહારની દારૂબંધી 'રાજા' નામના પાડાની આળસને જવાબદાર ઠેરવી અને કહ્યું, 'ચાર દિવસથી બીયર ન મળવાને કારણે રાજાનો મૂડ બગડી ગયો છે.' આ સાંભળીને કેટલાક લોકો હસતા જોવા મળ્યા તો અન્ય લોકો એ જાણીને આશ્ચર્યચકિત થઈ ગયા કે બીયર તેના ડાયટનો એક ભાગ છે. રોજ સવારે અને સાંજે બીયર પીવે છે
હરિયાણાના જીંદનો 'રાજા' નામનો પાડો મજબૂત કદકાઠી ધરાવે છે. જ્યારે પાડાના માલિકે તેનો ડાયટ બધા સાથે શેર કર્યો તો લોકો આશ્ચર્યચકિત થઈ ગયા. ભેંસના માલિક રામજતન યાદવે જણાવ્યું કે રાજા એ ભેંસની ખાસ જાતિનો છે. તેને દરરોજ ઘઉંના દાણા, દૂધ, સેવ, ચણા અને પૌષ્ટિક ચારો આપવામાં આવે છે. ઉપરાંત, તેની સ્ફૂર્તિ જાળવી રાખવા માટે, તેને દરરોજ સવારે અને સાંજે પીવા માટે બીયર આપવામાં આવે છે. બિહાર આવ્યા પછી નથી મળ્યો દારૂ
રામજતન યાદવે કહ્યું કે તેઓ છેલ્લા ચાર દિવસથી બિહારમાં છે અને આ દરમિયાન અહીં દારૂબંધીને કારણે રાજાને પીવા માટે બીયરનું એક ટીપું પણ મળ્યું નથી. આ કારણે તેનો મૂડ બગડી ગયો છે અને તે બાકીનો ખોરાક પણ યોગ્ય રીતે નથી ખાઈ રહ્યો. એટલા માટે તે સુસ્ત દેખાય છે અને તેનો મૂડ પણ થોડો ખરાબ લાગે છે. તેણે કહ્યું કે તે રાજાને હરિયાણા અને ઉત્તર પ્રદેશના ઘણા મેળાઓમાં લઈ ગયો હતો, પરંતુ ત્યાં બીયર ઉપલબ્ધ હોવાથી બધું સારું હતું. અહીં બીયર ન મળવાને કારણે તેની હાલત ખરાબ થઈ ગઈ છે. સોનપુરનો પશુમેળો ખૂબ જ પ્રખ્યાત છે
બિહારના સોનપુરનો પશુમેળો ખૂબ જ પ્રખ્યાત છે. અહીં દૂર-દૂરથી લોકો પશુઓની ખરીદી અને વેચાણ કરવા આવે છે. અહીં મેળામાં ગાય, બળદ, ઘોડા અને ભેંસ વગેરેની ખરીદી અને વેચાણ થાય છે. ઘણા લોકો અહીં તેમનાં પ્રાણીઓનું પ્રદર્શન કરવા પણ આવે છે જેથી તેઓ શ્રેષ્ઠ પ્રાણીનો એવોર્ડ જીતી શકે. રાજાને પણ રામજતન યાદવ આ જ કારણસર અહીં લાવ્યા છે, જે હાલમાં મેળાનું સૌથી મોટું આકર્ષણ છે.

આ પ્રકારના તમામ સમાચાર માટેે App ડાઉનલોડ કરો.