“ઊના નાં ધારાસભ્ય કે.સી. રાઠોડ નાં અધ્યક્ષ સ્થાને શહેર તાલુકા ભાજપ હોદેદારો સાથે જિલ્લા ભાજપ પ્રમુખ ની પરિચય બેઠક યોજાઇ”(જીતેન્દ્ર ઠાકર ઊના)

નવનિયુક્ત ગીર સોમનાથ જીલ્લા ભાજપનાં પ્રમુખશ્રી ડો.સંજયભાઈ પરમાર સાથે ઉના શહેર-તાલુકા ભાજપના સંગઠનના હોદેદારો, ચુંટાયેલા પ્રતિનિધિઓ તથા આગૅવાનૉ સાથૅની પરિચય બેઠક  ઉનાના લોકપ્રિય ધારાસભ્ય શ્રી કાળુભાઈ રાઠોડની વિશેષ ઉપસ્થિતિમાં આજરોજ નગરપાલિકા ભવન ખાતે યોજાયેલ હતી. ભારતીય જનતા પાર્ટીના વિચારધારા અને પરંપરા અનુસાર નવાં સંગઠન પ્રમુખ તરીકે વરણી થયાં બાદ દરેક તાલુકા તથા શહેરના હોદેદારો ચુંટાયેલા પ્રતિનિધિઓ તથા આગેવાનો અને કાર્યકરો સાથે બેઠક યોજાઈ હતી. જે મુજબ આજની પરીચય બેઠકમાં આવનારી સ્થાનિક સ્વરાજ્યની ચૂંટણીઓ સંદર્ભે સંગઠન વધું મજબૂત બને અને લોક મિજાજ પણ ભાજપાના પ્રચંડ સમર્થનમાં રહીને વડાપ્રધાન શ્રી નરેન્દ્રભાઇ મોદીની વિકાસ લક્ષી કામગીરીનો લાભ છેવાડા નાગરિકો સુધી પહોચે તે માટે સક્રિય રહેવા કાર્યકરોને હાકલ કરવામાં આવી હતી. ઉલ્લેખનીય છેકે તાજેતરમા યોજાયેલ ઉના તાલુકા પંચાયતની ત્રણ બેઠકોની પેટા ચૂંટણીમાં ધારાસભ્યશ્રી કાળુભાઇ રાઠોડનાં વડપણ હેઠળ ભાજપા એ ભવ્ય વિજય પ્રાપ્ત કરીને ફરી એકવાર ભાજપાની સર્વોપરિતા સ્થાપી હતી. આ તકે ઉનાના માનનીય ધારાસભ્યશ્રી કાળુભાઈ રાઠોડ, પૂર્વ જીલ્લા ભાજપ પ્રમુખશ્રી મહેન્દ્રભાઈ પીઠીયા, જીલ્લા ભાજપ ઉપપ્રમુખશ્રી રાજુભાઈ ડાભી, પ્રકાશભાઈ ટાંક, જીલ્લા ભાજપ યુવા મોરચાના પ્રમુખશ્રી હિતેશભાઈ ઓઝા, જીલ્લા ભાજપ બક્ષીપંચ મોરચાના મહામંત્રીશ્રી વિનોદભાઈ બાંભણીયા, તાલુકા ભાજપ પ્રમુખશ્રી હિરેનભાઈ બાંભણીયા, શહેર ભાજપ પ્રમુખશ્રી મનીષભાઈ કારીયા, પૂર્વ શહેર ભાજપ પ્રમુખશ્રી મિતેશભાઈ શાહ, પૂર્વ તાલુકા ભાજપ પ્રમુખશ્રી બાબુભાઈ ચૌહાણ, નગરપાલિકાના પ્રમુખશ્રી પરેશભાઈ બાંભણીયા, ઉના તાલુકા પંચાયતના પ્રમુખશ્રી એભાભાઈ મકવાણા, સહિતના આગેવાનો, તાલુકા પંચાયત, જીલ્લા પંચાયત નગરપાલીકાના ચૂંટાયેલા સદસ્યશ્રીઓ, વિવિધ મોરચાના સંગઠનના હોદેદારો, દરેક ગામના સરપંચશ્રીઓ, બુથ પ્રમુખશ્રીઓ, તેમજ ભારતીય જનતા પાર્ટીના સૌ કાર્યકર્તાઓ વિશાળ સંખ્યામાં ઉપસ્થિત રહ્યા હતા.

આ પ્રકારના તમામ સમાચાર માટેે App ડાઉનલોડ કરો.