રાજ્યમાં પડેલા સારા વરસાદના કારણે 207 જળ પરિયોજનાઓમાં 60.08% જળસંગ્રહ થયો

- રાજ્યના 35 જળાશયો 100%થી વધુ અને 41 જળાશયો 70%થી 100% જેટલાં ભરાયાં ગુજરાત, તા. 25 જુલાઈ 2022, સોમવારરાજ્યમાં થઈ રહેલા સારા વરસાદને પરિણામે રાજ્યની મહત્વની 207 જળ પરિયોજનાઓમાં તા. 25 જુલાઈ-2022 સુધીમાં 60.08% જેટલો જળસંગ્રહ થયો છે. રાજ્યની જીવાદોરી સમાન સરદાર સરોવર યોજનામાં 2,11,555 એમસીએફટી એટલે કે, કુલ સંગ્રહ શક્તિના 63.32% જેટલો જળસંગ્રહ થયો છે.રાજ્યના જળસંપત્તિ વિભાગના ફ્લડ સેલ દ્વારા મળેલાં અહેવાલો મુજબ રાજ્યના 206 જળાશયોમાં 3,24,494 એમસીએફટી એટલે કે, કુલ જળસંગ્રહ શક્તિના 58.13% જેટલો જળસંગ્રહ થયો છે.રાજ્યમાં 35 જળાશયોમાં 100 ટકાથી વધુ જળસંગ્રહ થયો છે. જયારે 41 જળાશયોમાં 70%થી 100%ની વચ્ચે, 33 જળાશયો(સરદાર સરોવર સહિત)માં 50%થી 70%ની વચ્ચે, 41 જળાશયોમાં 25%થી 50%ની વચ્ચે, 56 જળાશયોમાં 25%થી ઓછો જળસંગ્રહ થયો છે. આ જળાશયોમાં ઉત્તર ગુજરાતના 15 જળાશયો, મધ્ય ગુજરાતના 17 જળાશયો, દક્ષિણ ગુજરાતના 13 જળાશયો, કચ્છના 20 જળાશયો અને સૌરાષ્ટ્રના 141 જળાશયોનો સમાવેશ થાય છે.રાજ્યમાં 35 જળાશયો 100%થી વધુ જ્યારે 18 જળાશયો 90%થી 100% વચ્ચે ભરાતા હાઈએલર્ટ પર છે. 08 જળાશયો 80%થી 90% ભરાતા એલર્ટ પર તથા 14 જળાશયો 70%થી 80% ભરાતા સામાન્ય ચેતવણી આપવામાં આવી છે.

આ પ્રકારના તમામ સમાચાર માટેે App ડાઉનલોડ કરો.