“સ્વચ્છતા હી સેવા – 2024” સ્વચ્છ ભારત મિશન અંતર્ગત બોટાદમાં SHGની બહેનો દ્વારા સ્વચ્છ વોર્ડ સ્પર્ધા યોજાઈ

(અસરફ જાંગડ દ્વારા)
સ્વચ્છ ભારત મિશન અંતર્ગત સ્વચ્છતા જાળવવા અંગે સરકારશ્રી દ્વારા અવનવા કાર્યક્રમો કરવામાં આવી રહ્યાં છે. જેમાં આ વર્ષે 17 સપ્ટેમ્બર, 2024થી તા. 02 ઓક્ટોબર 2024 સુધી “સ્વચ્છતા હી સેવા” પખવાડિયાનું આયોજન કરવામાં આવ્યું છે. જેના ભાગરૂપે બોટાદમાં SHGની બહેનો વચ્ચે સ્વચ્છ વોર્ડ સ્પર્ધા યોજવામાં આવી હતી. સ્વચ્છ વોર્ડ સ્પર્ધામાં શ્રી શક્તિ સ્વસહાય જૂથ-ખોડીયારનગર, વિનાયક સ્વસહાય જૂથ- હરણકુઈ, ગુલજાર સ્વસહાય જૂથ-સાળંગપુર રોડ સહિતના સ્વસહાય જૂથોએ ભાગ લીધો હતો. તેમજ જાયન્ટ્સ ગ્રૃપ-બોટાદ દ્વારા ખોડીયાર નગર વિસ્તારમાં સફાઈ ઝુંબેશ કરવામાં આવી હતી. જેમાં ચંદુભાઈ સાવલિયા-જાયન્ટ્સ ગ્રુપ તેમજ નગરપાલિકાના કર્મચારીઓ તથા SHGની બહેનો જોડાયા હતા. સમગ્ર કાર્યક્રમને સફળ બનાવવા સેનિટેશન ટીમ દ્વારા જહેમત ઉઠાવવામાં આવી હતી.

આ પ્રકારના તમામ સમાચાર માટેે App ડાઉનલોડ કરો.