રાજકોટ : પોલીસ સ્ટેશનમાં 18 ટુ વ્હીલર સળગીને ખાક

વિગતો મુજબ ગઈકાલ સાંજના સવા પાંચ વાગ્યાની આસપાસ ભક્તિનગર પોલીસ મથકમાં મુદ્દામાલ જપ્ત કરાયેલા ટુ વ્હીલરમાં અચાનક આગ ભભૂકી ઉઠી હતી.અને બનાવની જાણ થતાં ભકિતનગરના પોલીસ સ્ટાફે આગ બૂઝાવવાનો પ્રયાસ કર્યો હતો.અને બાદમાં ફાયરબ્રિગેડને જાણ કરતા તેનો સ્ટાફ એક ફાયર ફાઈટર સાથે સ્થળ પર દોડી ગયો હતો. પાણીનો મારો ચલાવી થોડી વારમાં જ આગ કાબુમાં લઈ લીધી હતી.

પરંતુ ત્યાં સુધીમાં 4 એકટીવા 1 સ્કૂટી, 2 સીબીઝેડ, 1 અપાચે, 1 સાઈન અને 9 સ્પ્લેન્ડર મળી 18 વાહનો સળગી ગયા હતા. સ્થળ પર અંદાજે 70થી વધુ વાહનો પડયા હતા જો કે આગ લાગવા પાછળનું કારણ સ્પષ્ટ થયું નથી.ભકિતનગર પોલીસે જાણવા જોગ નોંધ કરી અને આગ કયા કારણથી લાગી તે બાબતે તપાસ શરૂ કરી છે.

આ પ્રકારના તમામ સમાચાર માટેે App ડાઉનલોડ કરો.