Multibagger Stock: 20 વર્ષમાં 1 લાખને બનાવી દીધા 10 કરોડ, શું તમે ખરીદ્યુ?

જો તમે સ્ટોક માર્કેટ (Stock Market) માંથી મોટી કમાણી કરવા માગો છો અને મલ્ટીબેગર સ્ટોક (Multibagger Stock) શોધી રહ્યા છો તો આ સમાચાર ફક્ત તમારા માટે છે. આજે અમે તમને એક એવા મલ્ટિબેગર સ્ટોક વિશે જણાવી રહ્યા છીએ. વોચ અને લક્ઝરી પ્રોડક્ટ્સ બનાવતી ટાઇટન કંપની (Titan) ના શેરોએ રોકાણકારોને જબરદસ્ત રિટર્ન આપ્યું છે.

તાજેતરમાં, ટાઇટનના શેર રેકોર્ડ ઊંચાઈએ પહોંચ્યા છે. 28 જૂન, 2023ના રોજ બીએસઈ (BSE) પર કંપનીના શેર 3,044 રૂપિયા પર પહોંચ્યા હતા. આ શેર 52 સપ્તાહની ઊંચી સપાટીએ પહોંચ્યો હતો. તેમાં સતત વૃદ્ધિ થઈ રહી છે.

20 વર્ષમાં 1,439 ટકાનો ઉછાળો

જો આ સ્ટોકના ઈતિહાસ પર નજર કરીએ તો છેલ્લા કેટલાક વર્ષોમાં તેમાં જબરદસ્ત વૃદ્ધિ જોવા મળી છે. આ સ્ટોક માત્ર એક વર્ષમાં 1,800 રૂપિયાથી 3,000 રૂપિયા સુધી પહોંચી ગયો છે. 20 વર્ષ પહેલાં 23 મે, 2003ના રોજ, બોમ્બે સ્ટોક એક્સચેન્જ (BSE) પર શેર 2.98 રૂપિયા પર બંધ થયો હતો. તે જ સમયે, આ શેર 28 જૂન, 2023 ના રોજ 3024.95 રૂપિયા પર પહોંચ્યો હતો. એટલે કે, જો કોઈ રોકાણકારે 20 વર્ષ પહેલાં આ શેરમાં 1 લાખ રૂપિયાનું રોકાણ કર્યું હોત અને રોકાણ ચાલુ રાખ્યું હોત તો તે 10.1 કરોડ રૂપિયા થયું હોત.

ઝુનઝુનવાલા પરિવારનો મનપસંદ શેર

માર્ચ 2023 ક્વાર્ટર માટે કંપનીની શેરહોલ્ડિંગ પેટર્ન મુજબ, રેખા ઝુનઝુનવાલા ટાઇટનના 4,69,45,970 શેર અથવા 5.29 ટકા હિસ્સો ધરાવે છે. રાકેશ ઝુનઝુનવાલાની પત્ની રેખા ઝુનઝુનવાલાની પાસે ડિસેમ્બર 2022ના ક્વાર્ટરમાં આ કંપનીના 4,58,95,970 શેર હતા.

ઉલ્લેખનીય છે કે, શેર માર્કેટમાં ઘણા એવા શેર છે, જેણે રોકાણકારોને અમીર બનાવી દીધા છે. ઉપરાંત કેટલાક એવા પણ શેર છે, જેણે રોકાણકારોને કંગાલ કરી દીધા છે. તેથી શેર માર્કેટમાં રોકાણ કરતા પહેલાં રિસર્ચ કરી લેવું જોઈએ.

આ પ્રકારના તમામ સમાચાર માટેે App ડાઉનલોડ કરો.