જસદણના જંગવડ ગામના પટેલ પરણીતાનું અકસ્માતમાં કરૂણ મોત

જસદણ તાલુકાના જંગવડ ગામે રહેતા પટેલ મનુભાઈ સિદ્ધપરા તથા ચંદ્રિકાબેન સિદ્ધપરાની સુપુત્રી રાજકોટ ખાતે ધોરણ ૧૧ માં અભ્યાસ કરે છે અને રાજકોટ ખાતે હોસ્ટેલમાં રહે છે. ગઇકાલે રવિવારે રાજકોટ ખાતે વાલી મિટિંગ હોઇ ચંદ્રિકાબેન તથા મનુભાઈ બન્ને પતિ - પત્ની રાજકોટ ખાતે હોસ્ટેલમાં દીકરીને નાસ્તો આપવા તેમજ રાજકોટ ખાતે વાલી મીટીંગ માટે મોટર સાયકલ લઈને રાજકોટ ગયા હતા. દરમિયાન મનુભાઈ તથા તેમના પત્ની ચંદ્રિકાબેન રાજકોટ થી મોટર સાયકલ લઈને પરત જંગવડ ગામે તેમના ઘરે જઈ રહ્યા હતા તે દરમિયાન સરધાર તથા હલેન્ડા ગામ નજીક ગાય આડી ઉતરતા મોટરસાયકલ ફંગોળાયું હતું અને પતિ પત્ની પડી ગયા હતા. દરમિયાન ચંદ્રિકાબેનને ગંભીર ઈજાઓ થતાં તેમને જસદણ સિવિલ હોસ્પિટલ ખાતે ખસેડવામાં આવ્યા હતા ત્યાં ડોક્ટરોએ તેમની મૃત જાહેર કર્યા હતા જયારે તેમના પતિ મનુભાઈ સિદ્ધપરાને ફેક્ચર સહિતની ઇજાઓ પહોંચી હતી. મૃત્યુ પામનાર ચંદ્રિકાબેનને સંતાનમાં એક દીકરો તથા એક દીકરી છે. બંને સંતાનો અપરણીત છે મનુભાઈ સિદ્ધપરા ખેતી કરીને ઘરનું ગુજરાન ચલાવે છે બનાવની જાણ થતા જ તેમના પરિવારના દિનેશભાઈ મોહનભાઈ સિદ્ધપરા સહિતના પરિવારજનો હોસ્પિટલે દોડી ગયા હતા. જસદણ સિવિલ ખાતે ચંદ્રિકાબેનનું પોસ્ટમોર્ટમ હાથ ધરવામાં આવ્યું છે આ બનાવને પગલે જંગવડ ગામના પટેલ સમાજમાં શોકનું મોજુ ફેલાયું છે. પોલીસે વધુ તપાસ હાથ ધરી છે.

આ પ્રકારના તમામ સમાચાર માટેે App ડાઉનલોડ કરો.