મ મોહિલા ઉત્કર્ષ સપ્તાહ અંતર્ગત વિવિધ સ્પર્ધાઓ અને કાર્યક્રમોનું આયોજન કરવામાં આવ્યું હતું

ભાવનગર રેલ્વે મંડલમાં "આંતરરાષ્ટ્રીય મહિલા દિવસ" ની ઉત્સાહભેર ઉજવણી કરાઇ

"મહિલા ઉત્કર્ષ સપ્તાહ" અંતર્ગત વિવિધ સ્પર્ધાઓ અને કાર્યક્રમોનું આયોજન કરવામાં આવ્યું હતું

01 માર્ચ, 2023 ના રોજ, પશ્ચિમ રેલવેના ભાવનગર ડિવિઝન પર, “આંતરરાષ્ટ્રીય મહિલા દિવસ” અંતર્ગત, “મહિલા ઉત્કર્ષ સપ્તાહ”નું શુભારંભ અપર મંડલ રેલ પ્રબંધક શ્રી કૃષ્ણ લાલ ભાટિયા દ્વારા દીપ પ્રાગટ્ય સાથે કરવામાં આવ્યું હતું. વરિષ્ઠ મંડલ કાર્મિક અધિકારી શ્રી જીતેશ અગ્રવાલનું નિર્દેશાનુસાર ભાવનગર ડિવિઝનમાં કાર્મિક વિભાગના સહયોગથી વિવિધ કાર્યક્રમો યોજીને “મહિલા ઉત્કર્ષ સપ્તાહ” અને “આંતરરાષ્ટ્રીય મહિલા દિવસ”ની ઉત્સાહભેર ઉજવણી કરવામાં આવી હતી. આ વખતે આંતરરાષ્ટ્રીય મહિલા દિવસ 2023 ની થીમ છે "ડિજિટ ઓલ: જેન્ડર ઇક્વેલિટી માટે ઇનોવેશન અને ટેકનોલોજી". મંડલની કુલ 236 મહિલાઓને પ્રોત્સાહિત કરવા સ્ટાફ બેનિફિટ ફંડમાંથી ભેટ આપવામાં આવી હતી.
કોમ્યુનિટી હોલ, ભાવનગર પરા ખાતે “આયુર્વેદ અને જીવન” તથા “યોગ અને નેચરોપેથી” વિષયો પર વાર્તાલાપનું આયોજન કરવામાં આવ્યું હતું. આંતરરાષ્ટ્રીય મહિલા દિવસનો ઉદ્દેશ્ય મહિલાઓની સમસ્યાઓ અને ઉકેલો તરફ ધ્યાન દોરવાનો અને મહિલા મુક્તિ તરફ કામ કરવાનો છે. આ કાર્યક્રમમાં રેલ્વે હોસ્પિટલમાં આયુર્વેદિક તબીબ તરીકે ફરજ બજાવતા ડો. અશોક કુમાર ત્રિવેદીએ “આયુર્વેદ અને જીવન” તથા એસ્ટાબ્લિશમેન્ટ વિભાગના ઓફિસ સુપરિન્ટેન્ડેન્ટ તરીકે ફરજ બજાવતા પ્રાકૃતિક પદ્ધતિના જ્ઞાતા શ્રી વિપુલ ભટ્ટે “યોગ અને નેચરલ મેડિસિન” વિષય ઉપર મહિલા કર્મચારીઓ સાથે વાતચીત કરી અને તેમને માર્ગદર્શન આપ્યું.
ગાયનેકોલોજીની સામાન્ય સમસ્યાઓ અને તેના ઉકેલો અંગે સેમિનારનું આયોજન કરવામાં આવ્યું હતું, જેમાં ભાવનગરની સર ટી હોસ્પિટલના મેડિકલ ઓફિસર ડો. સારિકા જૈને પોતાનું નિવેદન આપ્યું હતું. ઓનલાઈન માધ્યમથી પોસ્ટર અને ડ્રોઈંગ અને સ્લોગન લેખન સ્પર્ધાનું આયોજન કરવામાં આવ્યું હતું. પ્રથમ ત્રણ વિજેતાઓને પ્રોત્સાહિત કરવા ઈનામ આપવામાં આવ્યા હતા.
કોમ્યુનિટી હોલ, ભાવનગર પરા ખાતે અન્ય એક સેમિનારનું આયોજન કરવામાં આવ્યું હતું, જેમાં મહિલાઓને અસર કરતા સાયબર ક્રાઈમ અને તેના કાયદાકીય ઉપાયો અંગે ચર્ચા કરવામાં આવી હતી. શ્રી વાય. એસ. આઇરાવ, પોલીસ ઇન્સ્પેક્ટર, સાયબર ક્રાઇમ અને તેના ઉકેલ, વી. ડી. મહેતા, પોલીસ સબ ઇન્સ્પેક્ટર, સાયબર ક્રાઇમના પ્રકાર, એચ. એચ. ભટ્ટ, પોલીસ સબ ઇન્સ્પેક્ટર, સાયબર ક્રાઇમ હેલ્પલાઇન નંબર 1930 અને મહિલા પોલીસ ટીમ, વિવિધ હાઇલાઇટ કરેલી માહિતી અને સહકાર વિષયો પર નિવેદન આપ્યું હતું.

Report by
Ashraf jangad
9998708844

આ પ્રકારના તમામ સમાચાર માટેે App ડાઉનલોડ કરો.