માંજલપુરમાં હાઉસિંગ બોર્ડના મકાનમાં આગ, બર્થ ડેમાં ગયેલા પરિવારનો બચાવ
વડોદરા,તા.25 જુલાઈ 2022,સોમવારવડોદરાના માંજલપુર વિસ્તારમાં આવેલા ગુજરાત હાઉસિંગ બોર્ડના મકાનમાં ગઈ રાતે લાગેલી આગને કારણે તમામ ઘરવખરી ખાક થઈ ગઈ હતી.દરબાર ચોકડી નજીક ભટકુવા ખાતે આવેલા ગુજરાત હાઉસિંગ બોર્ડના મકાનમાં ગ્રાઉન્ડ ફ્લોર પર રહેતા હર્ષભાઈ પરમાર તેમના પરિવારજનો સાથે હોટલમાં બાળકીની બર્થ ડે નિમિત્તે ગયા હતા તે દરમિયાન મકાનમાં આગ લાગતા ટીવી ફ્રીઝ એસી તેમજ અન્ય ઘરવખરી ખાખ થઈ ગયા હતા.મકાનમાંથી ધુમાડા નીકળી રહ્યા હોવાની જાણ પાડોશી એ કરતા તરત જ ફાયર બ્રિગેડને બોલાવવામાં આવી હતી. જેથી ફાયર બ્રિગેડ એ ભારે જહેમત બાદ આગ કાબુમાં લીધી હતી. આમ બર્થડે ને કારણે પરિવારનો બચાવ થયો હતો. આગનું ચોક્કસ કારણ હજી જાણી શકાયું નથી પરંતુ શોર્ટ સર્કિટને કારણે આગ લાગી હોવાનું મનાય છે.
આ પ્રકારના તમામ સમાચાર માટેે
App ડાઉનલોડ કરો.